بچوں کو ہفتے میں ایک بار پارک لے جانے سے ذہنی صحت میں نمایاں بہتری ممکن، تحقیق

بچوں کو ہفتے میں کم از کم ایک بار پارک لے جانا ان کی ذہنی صحت اور سماجی نشوونما بہتر بنانے میں اہم کردار ادا کرسکتا ہے، برطانیہ کی یونیورسٹی آف ایکسیٹر کے محققین کی نئی تحقیق میں یہ بات سامنے آئی ہے۔

تحقیق کے مطابق بچپن کے دوران باقاعدگی سے پارک جانے والے بچوں نے ذہنی صحت کے جائزوں میں ان بچوں کے مقابلے میں اوسطاً 16.5 فیصد بہتر کارکردگی دکھائی جو ہفتے میں ایک بار سے بھی کم پارک جاتے تھے۔

تحقیق سائنسی جریدے ‘ایپیڈیمیالوجی اینڈ کمیونٹی ہیلتھ’ میں شائع ہوئی، جس میں انگلینڈ کے شہر برسٹل اور اس کے گردونواح میں پروان چڑھنے والے 4 ہزار 219 بچوں کے اعداد و شمار کا تجزیہ کیا گیا۔

محققین نے 4 سے 11 سال کی عمر کے بچوں کے پارک جانے اور ان کی سماجی و جذباتی نشوونما کا جائزہ لیا۔ اس دوران بچوں کی جذبات پر قابو پانے، تعلقات استوار کرنے، دوسروں کے ساتھ میل جول اور روزمرہ مشکلات سے نمٹنے کی صلاحیتوں کا جائزہ لیا گیا۔

نتائج سے معلوم ہوا کہ جو بچے زیادہ باقاعدگی سے پارک جاتے تھے، ان کی سماجی اور جذباتی نشوونما نسبتاً بہتر رہی۔ محققین کے مطابق خاندانوں کے معاشی حالات اور دیگر مشکلات کو مدنظر رکھنے کے بعد بھی یہ تعلق برقرار رہا۔

تحقیق کے مرکزی محقق مارک فرگوسن کے مطابق پارکس بچوں کو جسمانی سرگرمیوں، تخلیقی کھیلوں اور دوسروں کے ساتھ میل جول کے مواقع فراہم کرتے ہیں، جو ان کی نشوونما میں اہم کردار ادا کرتے ہیں۔

محققین کا کہنا ہے کہ قدرتی ماحول بچوں کے ذہنی دباؤ میں کمی لانے کے ساتھ ساتھ انہیں باہر کی سرگرمیوں کے ذریعے خود اعتمادی اور خودمختاری پیدا کرنے میں بھی مدد دیتا ہے۔

تحقیق میں اس بات کی بھی نشاندہی کی گئی کہ عوامی پارکس بچوں کی ذہنی صحت میں پائی جانے والی عدم مساوات کم کرنے میں مددگار ثابت ہوسکتے ہیں، تاہم پارک جانے کے رجحان پر خاندانوں کے معاشی حالات اور سماجی پس منظر کا بھی اثر پڑتا ہے۔

محققین نے زور دیا کہ اس مقصد کے لیے ضروری ہے کہ تمام خاندانوں کو ایسے معیاری پارکس تک رسائی حاصل ہو جو محفوظ، خوشگوار اور ہر طبقے کے لیے قابلِ رسائی ہوں۔

ان کے مطابق بچوں کو باقاعدگی سے پارک لے جانے کی حوصلہ افزائی ان کی جذباتی اور ذہنی صحت بہتر بنانے کا ایک عملی ذریعہ بن سکتی ہے، تاہم ان نتائج کی مختلف آبادیوں اور معاشروں میں تصدیق کے لیے مزید تحقیق کی ضرورت ہے۔

Share On Social Media

KARACHI

جامعہ اردو کو بیل آؤٹ پیکج دیا جائیگا،وفاقی وزیرتعلیم

ایم کیو ایم پاکستان کے مرکز بہادرآباد پر وفاقی وزیر تعلیم ڈاکٹر خالد مقبول صدیقی

Read More

ایف پی سی سی آئی کا ترکیہ میں اسلامک چیمبر کے بورڈ اجلاس میں پاکستان کے قائدانہ کردار کا اعادہ

کراچی: فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے

Read More

TECHNOLOGY

کیموتھراپی کے بعد کینسر کی واپسی کا ایک نیا راز بے نقاب

امریکا کے وائیسٹار انسٹیٹیوٹ کے سائنسدانوں نے ایک نئی تحقیق میں انکشاف کیا ہے کہ روزمرہ خوراک

Read More

اے آئی پر کھربوں ڈالر کی سرمایہ کاری لیکن منافع کہاں؟ ایپل، ایمیزون اور دیگر ٹیک کمپنیوں کے نئے منصوبے سامنے آگئے

دنیا کی بڑی ٹیکنالوجی کمپنیوں ایپل، ایمیزون، مائیکروسافٹ، گوگل اور میٹا نے اپنی تازہ مالیاتی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.