ترکیہ: یونان جانے کی کوشش کرنے والے 35 افغان تارکینِ وطن گرفتار، 19 بچے بھی شامل

ترکیہ کے صوبے بالیکسیر میں پولیس نے یونان جانے کی کوشش کرنے والے 35 افغان تارکینِ وطن کو گرفتار کرلیا، گرفتار افراد میں 19 بچے اور 16 بالغ شامل ہیں، جبکہ انسانی اسمگلنگ کے شبے میں 4 ملزمان کو بھی حراست میں لے لیا گیا ہے۔

ترک حکام کے مطابق پولیس نے کارروائی کے دوران دو گاڑیوں کو روک کر ان میں سوار افغان تارکینِ وطن کو گرفتار کیا۔ اس موقع پر انسانی اسمگلنگ میں ملوث ہونے کے شبے میں چار افراد کو بھی حراست میں لیا گیا۔

حکام کا کہنا ہے کہ عدالت کے حکم پر گرفتار ملزمان میں سے تین کو جیل منتقل کردیا گیا ہے، جبکہ ایک ملزم کو عدالتی نگرانی میں رہا کرنے کا حکم دیا گیا۔

پولیس نے کارروائی کے دوران لائف جیکٹس، 12 لائف رنگز اور ہوا بھرنے والے تین پمپ بھی برآمد کیے ہیں، جس سے شبہ ظاہر کیا جا رہا ہے کہ تارکینِ وطن کو سمندری راستے سے یونان منتقل کرنے کی کوشش کی جا رہی تھی۔

گرفتار افغان تارکینِ وطن کو ضروری قانونی کارروائی کے لیے متعلقہ مرکز منتقل کردیا گیا ہے۔

رپورٹ میں بتایا گیا ہے کہ رواں برس کے آغاز سے اب تک ترکیہ بھر میں قانونی رہائشی دستاویزات نہ رکھنے والے 33 ہزار سے زائد افغان تارکینِ وطن کو گرفتار کیا جاچکا ہے۔

ترک حکام ملک کے مختلف علاقوں میں غیر قانونی طور پر مقیم تارکینِ وطن کے خلاف کارروائیاں جاری رکھے ہوئے ہیں۔

دوسری جانب ترک حکومت نے ملک کی سرحدوں پر سیکیورٹی مزید سخت کردی ہے۔ حالیہ دنوں میں ایسی اطلاعات بھی سامنے آئی ہیں جن میں ترک سیکیورٹی اہلکاروں پر افغان تارکینِ وطن کے ساتھ مبینہ بدسلوکی کے الزامات عائد کیے گئے ہیں۔

تاہم ان الزامات سے متعلق سامنے آنے والی رپورٹس میں مبینہ بدسلوکی کی تفصیلات یا الزامات لگانے والے ذرائع کی نشاندہی نہیں کی گئی۔

Share On Social Media

KARACHI

فائر فائٹر فرقان علی، جو باپ کی روایت نبھا کر گل پلازہ کی آگ بجھاتے امر ہوگئے

کراچی کے پرہجوم تجارتی مرکز گل پلازہ میں لگی آگ تو بجھ گئی، لیکن اس

Read More

کراچی میں 100 سے زائد بچوں سے بدفعلی کرنے والا ’سیریل ریپسٹ‘ ریمانڈ پر پولیس کے حوالے

کراچی پولیس نے بڑی کارروائی کرتے ہوئے 100 سے زائد بچوں سے جنسی زیادتی میں

Read More

TECHNOLOGY

صحافی نے بڑے چیٹ بوٹس کو غلط معلومات دینے پر مجبور کر دیا، کیسے اور مقصد کیا تھا؟

ایک ٹیکنالوجی صحافی نے دعویٰ کیا ہے کہ انہوں نے محض 20 منٹ میں مصنوعی ذہانت کے بڑے ٹولز کو غلط معلومات دینے پر مجبور

Read More

بھارت کی اے آئی سمٹ مذاق بن گئی؛ بل گیٹس سمیت کئی نامور شخصیات کا شرکت سے انکار

بھارت میں جاری پانچ روزہ ’انڈیا اے آئی امپیکٹ سمٹ‘ اس وقت شدید تنقید کی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.