ترکیہ: یونان جانے کی کوشش کرنے والے 35 افغان تارکینِ وطن گرفتار، 19 بچے بھی شامل

ترکیہ کے صوبے بالیکسیر میں پولیس نے یونان جانے کی کوشش کرنے والے 35 افغان تارکینِ وطن کو گرفتار کرلیا، گرفتار افراد میں 19 بچے اور 16 بالغ شامل ہیں، جبکہ انسانی اسمگلنگ کے شبے میں 4 ملزمان کو بھی حراست میں لے لیا گیا ہے۔

ترک حکام کے مطابق پولیس نے کارروائی کے دوران دو گاڑیوں کو روک کر ان میں سوار افغان تارکینِ وطن کو گرفتار کیا۔ اس موقع پر انسانی اسمگلنگ میں ملوث ہونے کے شبے میں چار افراد کو بھی حراست میں لیا گیا۔

حکام کا کہنا ہے کہ عدالت کے حکم پر گرفتار ملزمان میں سے تین کو جیل منتقل کردیا گیا ہے، جبکہ ایک ملزم کو عدالتی نگرانی میں رہا کرنے کا حکم دیا گیا۔

پولیس نے کارروائی کے دوران لائف جیکٹس، 12 لائف رنگز اور ہوا بھرنے والے تین پمپ بھی برآمد کیے ہیں، جس سے شبہ ظاہر کیا جا رہا ہے کہ تارکینِ وطن کو سمندری راستے سے یونان منتقل کرنے کی کوشش کی جا رہی تھی۔

گرفتار افغان تارکینِ وطن کو ضروری قانونی کارروائی کے لیے متعلقہ مرکز منتقل کردیا گیا ہے۔

رپورٹ میں بتایا گیا ہے کہ رواں برس کے آغاز سے اب تک ترکیہ بھر میں قانونی رہائشی دستاویزات نہ رکھنے والے 33 ہزار سے زائد افغان تارکینِ وطن کو گرفتار کیا جاچکا ہے۔

ترک حکام ملک کے مختلف علاقوں میں غیر قانونی طور پر مقیم تارکینِ وطن کے خلاف کارروائیاں جاری رکھے ہوئے ہیں۔

دوسری جانب ترک حکومت نے ملک کی سرحدوں پر سیکیورٹی مزید سخت کردی ہے۔ حالیہ دنوں میں ایسی اطلاعات بھی سامنے آئی ہیں جن میں ترک سیکیورٹی اہلکاروں پر افغان تارکینِ وطن کے ساتھ مبینہ بدسلوکی کے الزامات عائد کیے گئے ہیں۔

تاہم ان الزامات سے متعلق سامنے آنے والی رپورٹس میں مبینہ بدسلوکی کی تفصیلات یا الزامات لگانے والے ذرائع کی نشاندہی نہیں کی گئی۔

Share On Social Media

KARACHI

موجودہ صورتحال میں پاکستان کی معیشت خطر ے میں پڑ سکتی ہے۔ سید امان شاہ

عوام پاکستان پارٹی بلوچستان کے صوبائی کنونئیر سید امان شاہ نے کہا ہے کہ مشرقِ

Read More

کراچی، اہم شاہراہوں کی بندش، ٹریفک پولیس نے آج کے لیے ٹریفک پلان جاری کر دیا

ترجمان کراچی ٹریفک پولیس نے ڈسٹرکٹ ساؤتھ کے لیے 2 مارچ کا خصوصی ٹریفک پلان

Read More

TECHNOLOGY

’اے آئی سیکھو 2026‘ پروگرام کا آغاز، پاکستانی نوجوانوں کے لیے مفت مصنوعی ذہانت کی تربیت

گوگل فار ڈیویلپرز نے وزارتِ انفارمیشن ٹیکنالوجی و ٹیلی کام، ٹیلی نار اور انووِسٹا کے

Read More

اینتھروپک کے جدید اے آئی ماڈل کے ممکنہ سائبر خطرات، برطانیہ کے ریگولیٹرز الرٹ ہوگئے

برطانیہ میں مالیاتی ریگولیٹرز اور سائبر سیکیورٹی حکام نے کمپنی اینتھروپک کے جدید مصنوعی ذہانت

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.