جھیل سیف الملوک کی طرف جانے والے سیاحوں کے لیے بری خبر

جھیل سیف الملوک اور ملحقہ بالائی علاقوں میں شدید برفباری اور لینڈ سلائیڈنگ کے خطرات کے پیشِ نظر ضلعی انتظامیہ نے جھیل کی جانب جانے والی سڑک کو ہر قسم کی ٹریفک اور آمدورفت کے لیے فوری طور پر بند کرنے کا باضابطہ حکم نامہ جاری کر دیا ہے۔

جھیل سیف الملوک اور گردونواح کے بالائی علاقوں میں شدید برفباری اور لینڈ سلائیڈنگ کے خدشات کے پیشِ نظر ڈپٹی کمشنر مانسہرہ نے جھیل سیف الملوک روڈ کو ہر قسم کی ٹریفک اور آمدورفت کے لیے فوری طور پر بند کرنے کے باقاعدہ احکامات جاری کر دیے ہیں۔

ڈپٹی کمشنر آفس مانسہرہ سے جاری کردہ اعلامیے کے مطابق یہ فیصلہ اسسٹنٹ کمشنر بالاکوٹ، کاغان ڈویلپمنٹ اتھارٹی (کے ڈی اے) اور مقامی پولیس کی رپورٹس کے علاوہ محکمہ موسمیات کی جانب سے ناران اور ملحقہ علاقوں میں شدید برفباری اور بارشوں کی پیشگوئی کو مدنظر رکھتے ہوئے کیا گیا ہے۔

حکم نامے میں سڑک کی بندش کی وجوہات بیان کرتے ہوئے کہا گیا ہے کہ برف جمع ہونے، لینڈ سلائیڈنگ کے خطرے اور انسانی جانوں کو لاحق خدشات کے باعث یہ اقدام ناگزیر ہو گیا تھا۔ نوٹیفکیشن میں واضح کیا گیا ہے کہ جھیل سیف الملوک کی طرف جانے والا راستہ تا حکمِ ثانی ہر قسم کی ٹریفک اور پیدل آمدورفت کے لیے مکمل طور پر بند رہے گا۔

دوسری جانب مقامی انتظامیہ نے سیاحوں اور مقامی شہریوں کو ہدایت کی ہے کہ وہ کسی بھی ناخوشگوار واقعے سے بچنے کے لیے جھیل روڈ پر سفر کرنے سے مکمل گریز کریں۔

انتظامیہ کے مطابق شاہراہِ کاغان ناران تک ٹریفک کے لیے کھلی ہے، جہاں مسافر اور سیاح احتیاطی تدابیر اختیار کرتے ہوئے سفر کر سکتے ہیں۔ واضح رہے کہ حالیہ برفباری کے دوران جھیل سیف الملوک پر 2 فٹ سے زائد برف پڑ چکی ہے، جس کے باعث شدید پھسلن کی وجہ سے اس سڑک پر ٹریفک کی آمدورفت پہلے ہی معطل کر دی گئی تھی۔

Share On Social Media

KARACHI

سانحہ گل پلازہ کی جوڈیشل کمیشن کی سماعت کے دوران چونکا دینے والا انکشاف

سانحہ گل پلازہ کی تحقیقات کے لیے بننے والے جوڈیشل کمیشن کے اجلاس میں انکشاف ہوا

Read More

TECHNOLOGY

ٹیکنالوجی کمپنی ایپل کا اے آئی گلاسز پر کام جاری

ایک نئی رپورٹ میں انکشاف کیا گیا ہے کہ ٹیکنالوجی کمپنی ایپل کم از کم

Read More

سمندر میں کیبل کی مرمت، کتنے دن انٹرنیٹ متاثر ہوگا؟

پاکستان ٹیلی کمیونیکیشن کمپنی لمیٹڈ (پی ٹی سی ایل) نے اعلان کیا ہے کہ اس

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.