شنگھائی: ’ہیمانی‘ (HEMANI) نے چین میں اپنے برانڈ کی نمائندگی اور تشہیر کے لیے ’چائنیز ٹریڈ کمپنی‘ (Chinese Trade Co.) کے ساتھ مفاہمت کی ایک یادداشت (MoU) پر دستخط کر کے اپنی بین الاقوامی توسیع میں ایک اہم سنگِ میل عبور کر لیا ہے۔ دستخط کی یہ تقریب شنگھائی، چین کے شنگری لا ہوٹل میں منعقدہ باوقار ’سندھ انویسٹمنٹ کانفرنس‘ کے دوران منعقد ہوئی۔ اس تقریب میں وزیراعلیٰ سندھ سید مراد علی شاہ کے علاوہ پاکستان اور چین کے اعلیٰ سرکاری حکام، سفارت کاروں، کاروباری رہنماؤں اور دیگر ممتاز شخصیات نے شرکت کی۔
یہ اسٹریٹجک شراکت داری ’ہیمانی‘ کی بین الاقوامی موجودگی کو وسعت دینے، پاک چین تجارتی تعلقات کو مضبوط بنانے اور پاکستانی مصنوعات کو چین کی وسیع صارف مارکیٹ میں متعارف کرانے کی جانب ایک اہم قدم ہے۔معاہدے کے تحت، ’چائنیز ٹریڈ کمپنی‘ چین میں ’ہیمانی‘ کی نمائندگی کرے گی اور برانڈ کی تشہیر، مارکیٹ کی ترقی، ڈسٹری بیوشن نیٹ ورکس اور کاروبار کے نئے مواقع پیدا کرنے میں معاونت فراہم کرے گی۔تقریب میں شرکت کرنے والی ممتاز شخصیات میں وزیراعلیٰ سندھ سید مراد علی شاہ، وزیر برائے سرمایہ کاری جناب قاسم قمر، صوبائی وزیر شرجیل انعام میمن، میئر کراچی بیرسٹر مرتضیٰ وہاب، چین میں پاکستان کے سفیر علی اسد گیلانی، شنگھائی میں پاکستان کے قونصل جنرل رانا شہزاد احمد اور اسپیشل اکنامک زون اتھارٹی سندھ کے سی ای او فیصل مجیب شامل تھے۔ ان کے علاوہ معروف کاروباری شخصیت ادریس گیگی اور دیگر اعلیٰ سرکاری حکام و کاروباری نمائندوں نے بھی شرکت کی۔یہ مفاہمت نامہ (MoU) عالمی سطح پر پاکستانی برانڈز کو فروغ دینے اور بین الاقوامی تجارت و اقتصادی تعاون کے لیے نئے راستے ہموار کرنے کے حوالے سے ’ہیمانی‘ کے عزم کی عکاسی کرتا ہے۔’ہیمانی‘ عالمی سطح پر فخر کے ساتھ پاکستان کی نمائندگی کا سلسلہ جاری رکھے ہوئے ہے، جس کے ذریعے پاکستانی مصنوعات بین الاقوامی منڈیوں تک پہنچ رہی ہیں اور پاکستان اور چین کے مابین تجارتی تعلقات مزید مستحکم ہو رہے ہیں۔
