امریکا چین سائبر جنگ میں شدت، چینی ہیکرز نے امریکی ماہرین کو چکرا کر رکھ دیا

چین سے تعلق رکھنے والے سائبر ہیکرز نے امریکی مصنوعی ذہانت ’اے آئی‘ پالیسی سے متعلق حساس معلومات اور ای میلز چرانے کے لیے سابق امریکی اعلیٰ عہدیدار کا سوانگ رچا کر تھنک ٹینکس اور یونیورسٹیوں کے ماہرین کو نشانہ بنایا ہے۔

سائبر سیکیورٹی کمپنی ’پروف پوائنٹ‘ کی رپورٹ کے مطابق اس کارروائی کا مقصد امریکی اے آئی حکمت عملی اور قومی پالیسیوں تک رسائی حاصل کرنا تھا۔

رپورٹ کے مطابق ہیکرز نے وائٹ ہاؤس کے آفس آف سائنس اینڈ ٹیکنالوجی پالیسی کی سابق ڈپٹی ڈائریکٹر اور ’اینتھروپک‘ کی اعلیٰ عہدیدار لِین پارکر کی جعلی شناخت استعمال کی

ہیکرز نے اے آئی کے فروغ اور باہمی تعاون کا جھانسہ دے کر ماہرین کو پاس ورڈ چرانے والی ویب سائٹس پر بھیجنے کی کوشش کی۔

متاثرہ افراد اور سائبر حملے کا دائرہ کار

پروف پوائنٹ کے مطابق اس مہم کے تحت 10 سے کم افراد کو ہدف بنایا گیا، جن میں قومی اے آئی اسٹریٹجی، ریگولیشن اور ایکسپورٹ کنٹرول پر کام کرنے والے ماہرین شامل تھے۔

پنسلوانیا کے ’پین سینٹر آن میڈیا، ٹیکنالوجی اینڈ ڈیموکریسی‘ کے سربراہ ایلکس اینگلر بھی متاثرین میں شامل ہیں۔ لِین پارکر نے تصدیق کی کہ رواں برس جولائی میں کم از کم 2 افراد کو یہ مشکوک پیغامات موصول ہوئے تھے۔

چین اور امریکا کے درمیان اے آئی کی دوڑ

واضح رہے یہ کارروائی امریکا اور چین کے درمیان تکنیکی برتری کی رقابت کا شاخسانہ ہے۔ لِین پارکر کا کہنا ہے کہ اے آئی پالیسی سے وابستہ افراد سے اہم معلومات حاصل کرنے کی کوشش حیران کن نہیں ہے۔

پروف پوائنٹ کے محقق مارک کیلی کے مطابق خطرات پیدا کرنے والا یہ گروپ چینی حکومت کے مفادات کے لیے کام کرتا ہے۔

سائبر سیکیورٹی رپورٹ کے مطابق ’TA419‘ نامی یہ چینی ہیکنگ گروپ 2025 سے امریکا اور جاپان کے اداروں، فوج، دفاعی کمپنیوں اور لا فرموں سے پاس ورڈ چرانے کی کوششوں میں مصروف ہے۔

یہ انکشاف واشنگٹن میں ٹرمپ اور شی جن پنگ کے درمیان ملاقات کے ایک ہفتے بعد سامنے آیا ہے، جس میں دونوں ممالک نے اے آئی واقعات کی رپورٹنگ کے لیے مواصلاتی چینل قائم کرنے کا اعلان کیا تھا۔

Share On Social Media

KARACHI

بھرپور صحت: ہفتے میں یہ نباتاتی غذائیں کھائیں اور دیکھیں اس کا کمال

ماہرین کے مطابق خوراک میں پھلوں اور سبزیوں کے ساتھ دالیں، اناج، گری دار میوے

Read More

کراچی کی نہر خیام پر فوڈ اسٹریٹ کی مبینہ تعمیر کی مخالفت کیوں؟

کراچی کے علاقے پوش علاقے کلفٹن میں واقع نہرِ خیام پر تجارتی پٹی اور مبینہ

Read More

TECHNOLOGY

مائیکروسافٹ کا 60 ہزار ملازمین کو رضاکارانہ علیحدگی پیکیج دینے کا اعلان

مائیکروسافٹ نے مصنوعی ذہانت پر بڑھتے ہوئے اخراجات کے پیشِ نظر لاگت کم کرنے کے

Read More

اے آئی ماڈل کلاڈ نے امریکی ووٹنگ ڈیٹا تک بغیر اجازت رسائی حاصل کرلی

مصنوعی ذہانت (اے آئی) کے ذریعے معلومات تک رسائی کے طریقوں نے ڈیجیٹل سکیورٹی سے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.