وائٹ ہاؤس نے وزیراعظم شہباز شریف اور امریکی صدر ڈونلڈ ٹرمپ کی اہم ملاقات کی تصاویر جاری کردی ہیں۔
اقوام متحدہ کی جنرل اسمبلی اجلاس کے موقع پر عالمی رہنماؤں کے اعزاز میں دی گئی امریکی صدر کی استقبالیہ ضیافت کے دوران وزیراعظم شہباز شریف کی امریکی صدر ڈونلڈ ٹرمپ سے ملاقات ہوئی۔
وائٹ ہاؤس کی جانب سے جاری کی گئی تصاویر میں وزیراعظم شہباز شریف اور امریکی صدر ڈونلڈ ٹرمپ کو ملاقات کرتے ہوئے دیکھا جاسکتا ہے۔ وزیراعظم شہباز شریف اقوام متحدہ جنرل اسمبلی اجلاس میں شرکت کے لیے امریکا کے دورے پر تھے، جہاں عالمی رہنماؤں کی شرکت کے موقع پر مختلف سرگرمیاں دیکھی گئی۔
امریکی صدر ڈونلڈ ٹرمپ نے اقوام متحدہ جنرل اسمبلی اجلاس کے موقع پر عالمی رہنماؤں کے اعزاز میں استقبالیہ ضیافت کا اہتمام کیا، جس میں وزیراعظم محمد شہباز شریف بھی شریک ہوئے۔ اسی موقع پر وزیراعظم شہباز شریف اور امریکی صدر ڈونلڈ ٹرمپ کے درمیان ملاقات ہوئی۔
وائٹ ہاؤس نے ملاقات کے مناظر پر مشتمل تصاویر جاری کرکے دونوں رہنماؤں کی ملاقات کی تصدیق کردی ہے۔
