پاکستانی کرکٹر اعظم خان کے انتقال سے متعلق جعلی خبر سوشل میڈیا پر گردش کرنے لگی، جس پر قومی کرکٹر نے بھی دلچسپ انداز میں ردعمل دیا۔
سوشل میڈیا پر وائرل ایک ویڈیو میں اعظم خان کو اپنے ہی انتقال کی خبر سنتے ہوئے دیکھا جاسکتا ہے۔ ویڈیو میں اعظم خان کہتے ہیں ”اچھا پلیئر تھا، کل پاکستان کی طرف سے کھیلنے والا تھا۔“
اپنے ہی انتقال کی خبر پر اعظم خان کا منفرد ردعمل سوشل میڈیا صارفین کی توجہ کا مرکز بن گیا، جہاں صارفین ویڈیو پر دلچسپ تبصرے بھی کررہے ہیں۔
کئی صارفین نے جعلی اور غیر مصدقہ خبروں کے تیزی سے پھیلاؤ پر تشویش کا اظہار کرتے ہوئے زور دیا کہ کسی بھی خبر کو آگے بڑھانے سے قبل اس کی مستند ذرائع سے تصدیق ضرور کی جائے، تاکہ افواہوں اور گمراہ کن معلومات کے پھیلاؤ کی حوصلہ شکنی کی جا سکے۔
