نائب وزیراعظم و وزیر خارجہ اسحاق ڈار نے بتایا ہے کہ اقوام متحدہ کی جنرل اسمبلی کے اجلاس کے موقع پر پاکستان اور سعودی عرب کے درمیان سفارتی اور سرکاری/خصوصی پاسپورٹ رکھنے والوں کے لیے ویزا شرط ختم کرنے کے معاہدے پر دستخط ہوگئے۔
اسحاق ڈار کے مطابق انہوں نے سعودی وزیر خارجہ شہزادہ فیصل بن فرحان کے ہمراہ معاہدے پر دستخط کیے۔
انہوں نے کہا کہ یہ اہم پیشرفت اعلیٰ سطح کے رابطوں اور ادارہ جاتی تبادلوں کو مزید سہولت فراہم کرے گی اور باہمی دلچسپی کے تمام شعبوں میں پاکستان اور سعودی عرب کی دیرینہ برادرانہ تزویراتی شراکت داری کو مزید آگے بڑھانے میں معاون ثابت ہوگی۔
