سعودی عرب کے دارالحکومت الریاض میں ( S K ) گروپ کی جانب سے پاکستان کے 79 ویں یوم آزادی کے موقع پر رنگا رنگ تقریب کا انعقاد کیا گیا جس میں پاکستانی کمیونٹی کے مرد و خواتین نے بھر پور شرکت کرکے وطن سے محبت کا اظہار کیا تقریب کی آرگنائزر شمائلہ بٹ ، رابعہ بنت طارق, رانا اشرف, میاں عمران اور دیگر نے خطاب کرتے ہوئے کہا کہ یوم آزادی ہمیں یہ سبق دیتا ہے کہ آزادی صرف ایک سر زمین کے حصول کا نام نہیں بلکہ انصاف ، مساوات
، انسانی وقار اور آزادی اظہار کے تخفظ کا بھی نام ہے آج ہمیں سبز ہلالی پرچم کے سائے تلے ایک بار پھر یہ عہد کرنا ہے کہ پاکستان ہماری پہچان ہماری امید اور ہمارا مستقبل ہے پاکستان کو عظیم سے عظیم تر بنائیں گے چیف آرگنائزر احمد عاصم نے خطاب کرتے ہوئے کہا کہ دیار غیر میں پاکستانی کمیونٹی ہمیشہ ملکی وقار اور قومی یکجہتی کے لیے سرگرم عمل ہے ہم اپنے ملک کی ترقی ، حفاظت اور خوشحالی کے لیے متحد رہیں گے اور آنے والی نسلوں کو ایک بہتر پاکستان دینے کی ہر ممکن کوشش کریں گے تقریب کے آخر میں بنک الحبیب کی جانب سے کیک بھی کاٹا گیا اور وطن عزیز کی ترقی خوشحالی اور سالمیت کیلئے خصوصی دعا کی گئی
