الریاض ( عابد شمعون چاند ) سعودی دارالحکومت ریاض میں سفارتخانہ پاکستان میں جشنِ آزادی کے موقع پر پرچم کشائی کی پروقار تقریب کا انعقاد کیا گیا، جس میں تینوں مسلح افواج کے افسران، سفارتی افسران اور پاکستانی کمیونٹی کے مرد و خواتین اور بچوں نے شرکت کر کے وطن سے اپنی والہانہ محبت کا بھر پور انداز میں اظہار کیا

تقریب کا باقاعدہ آغاز تلاوت قرآن مجید فرقان حمید سے کیا گیا بعدازاں تقریب کا آغاز قومی ترانے سے ہوا، جس کی دھن پر سفیر پاکستان احمد فاروق نے قومی پرچم لہرایا اس موقع پر شرکاء نے پاکستان کی آزادی کی خوشی مناتے ہوئے وطنِ عزیز کی سلامتی، استحکام اور ترقی کے لیے نیک خواہشات کا اظہار کیا سفیر پاکستان احمد فاروق نے سعودی عرب میں مقیم ہم وطنوں کو جشنِ آزادی کی مبارکباد پیش کرتے ہوئے کہا کہ 14 اگست ہماری ملی تاریخ کا وہ سنہرا دن ہے جو ہمیں لازوال قربانیوں کی یاد دلاتا ہے پاکستان ایک عظیم مملکت ہے، جسے ہم سب نے مل کر ترقی یافتہ ممالک کی صف میں کھڑا کرنا ہے تقریب کے آخر میں پاکستان کی ترقی خوشحالی اور سالمیت کیلئے خصوصی دعا کی گئی !!!!