دبئی, نسلوں کو تشکیل دینے والی خواتین کو با اختیار بنانے اور ان کے احترام کے لیے دبئی کے ایک ہوٹل میں ایک تاریخی پلیٹ فارم کی نقاب کشائی کی گئی جس میں کاروباری افراد، فنکاروں، کمیونٹی کے لوگوں، میڈیا ہاؤسز، ڈیجیٹل تخلیق کاروں اور مختلف طبقہ فکر سے تعلق رکھنے والے لوگوں نے شرکت کی. تقریب کا اہتمام
AD ZONE کی عائشہ میر نے کیا-تقریب کے مہمان خصوصی ایمریٹس ہولڈنگ گروپ کے چیئرمین حنیف شیخ جبکہ مہمان اعزازی ڈاکٹر جتیندر کمار سنگلا تھے. دیگر مہمانوں میں زینب ایس ایم، زین شاہ بلاگر ، سنجیوانی شرما اینکر ، شریفہ الشیدی ایونٹ کوآرڈینیٹر ،سوناکشیگوئل،مانی مہاجن،فرناز چھاپرا، اور ونیکا چندرو سجنانی شامل تھے- اس موقع پر کہا گیا کہ جنریشن شیپر ایوارڈز ایک اہم اقدام ہے جس کا مقصد ماؤں، بہنوں، بیٹیوں اور ہر اس عورت کی عزت کرنا جس کی طاقت، ہمدردی اور لگن زندگی کی تشکیل کرتی ہے، تبدیلی کی تحریک دیتی ہے اور آنے والی نسلوں کو متاثر کرتی ہے۔ایوارڈز کا مقصد ان خواتین کو ایک عظیم اسٹیج دینا جن کی کوششیں اکثر نظر نہیں آتیں لیکن جن کا اثر نسلوں تک رہتا ہے، ثابت قدمی اور محنت سے ہر کام، ہر خواب ایک کامیاب حقیقت میں تبدیل کیا جا سکتا ہے.
