کویت کے وزیر خارجہ شیخ جراح جابر الاحمد الصباح نائب وزیراعظم و وزیر خارجہ محمد اسحاق ڈار کی دعوت پر سرکاری دورے کے لیے اسلام آباد پہنچ گئے۔
اسلام آباد آمد پر وزارت خارجہ کے ایڈیشنل سیکریٹری نے معزز مہمان کا استقبال کیا۔
ترجمان دفتر خارجہ کے مطابق دورے کے دوران پاکستان اور کویت کے درمیان دوطرفہ تعلقات کا تفصیلی جائزہ لیا جائے گا جبکہ علاقائی اور بین الاقوامی امور پر بھی تبادلہ خیال ہوگا۔
ترجمان کا کہنا ہے کہ یہ دورہ پاکستان اور کویت کے درمیان دیرینہ برادرانہ تعلقات، مشترکہ تاریخ، باہمی اعتماد اور قریبی تعاون کا عکاس ہے۔
دفتر خارجہ کے مطابق دونوں ممالک کی قیادت مختلف شعبوں میں دوطرفہ تعاون کو مزید وسعت دینے اور باہمی دلچسپی کے امور پر بھی بات چیت کرے گی۔
