دبئی (خالد محمود گوندل) پاکستان بزنس کونسل شارجہ کے زیرِ اہتمام چائے شائے ریسٹورنٹ میں بزنس نیٹ ورکنگ تقریب کا انعقاد کیا گیا، جس میں متحدہ عرب امارات میں مقیم پاکستانی کاروباری شخصیات، بزنس کونسل شارجہ کے اراکین سینئر نائب چیئرمین پاکستان بزنس کونسل شارجہ سید سلیم اختر،نائب چیئرمین پاکستان بزنس کونسل شارجہ عامر حسن،صدر پاکستان سوشل سنٹر شارجہ خالد حسین چوہدری ،ڈاکٹر نور الصباح ، علی رافع،فرح صابر،علیشبہ ملک، شفیق الرحمان، فراز صدیقی، رابعہ طارق،صائمہ اصغر، رضا راجپوت، سید حسن،ظہیر احمد،نبراس سہیل، ذیشان ملک، امیر حمزہ اور نفر حسین ودیگرنے شرکت کی۔تقریب کے مہمانِ خصوصی قونصل جنرل پاکستان حسین محمدتھے

جنہوں نے اپنے خطاب میں پاکستانی کاروباری برادری کی خدمات کو سراہتے ہوئے کہا کہ متحدہ عرب امارات میں پاکستانی بزنس کمیونٹی ملک کا مثبت تشخص اجاگر کرنے میں اہم کردار ادا کر رہی ہے۔ انہوں نے کہا کہ پاکستان بزنس کونسل شارجہ جیسے ادارے کاروباری افراد کو ایک مؤثر پلیٹ فارم فراہم کر رہے ہیں، جہاں نئے تجارتی مواقع پیدا ہوتے ہیں اور باہمی تعاون کو فروغ ملتا ہے۔انہوں نے اس بات پر زور دیا کہ پاکستانی کاروباری حضرات آپس میں مضبوط روابط قائم کریں، ایک دوسرے کے تجربات سے فائدہ اٹھائیں اور نئی سرمایہ کاری کے امکانات پیدا کریں۔ انہوں نے یقین دہانی کرائی کہ قونصل خانہ ہر ممکن حد تک پاکستانی کاروباری برادری کی معاونت جاری رکھے گا۔تقریب کے دوران مختلف کاروباری شعبوں سے تعلق رکھنے والے بزنس کونسل شارجہ کےممبران نے ایک دوسرے سے ملاقاتیں کیں، خیالات کا تبادلہ کیا اور مستقبل میں مشترکہ کاروباری منصوبوں اور سرمایہ کاری کے مواقع پر بھی گفتگو کی۔ ممبران نے اس بات پر اتفاق کیا کہ اس نوعیت کی بزنس نیٹ ورکنگ تقریبات کاروباری برادری کو ایک دوسرے کے قریب لانے اور نئی شراکت داریوں کے فروغ میں اہم کردار ادا کرتی ہیں۔اس موقع پر چائے شائے ریسٹورنٹ کی آنر