قصور (نیوز رپورٹ)مبلغ یورپ اور سجادہ نشین محدث قصوری صاحبزادہ پیر مفتی اختر علی قادری نے اسلامی علوم وفنون کے ادارے ریان اسلامک سنٹر قصور کا دورہ کیا اور سنٹر میں دی جانے والی تعلیم اور علم کے فروغ کے لئےکی جانے والی کاووشوں پر منتظمین ریان اسلامک سنٹر کو زبر دست خراج تحسین پیش کیا سی ای او صاحبزادہ حافظ جمیل احمد قادری نے مفتی اختر علی قادر ی کو ریان اسلامک سنٹر کا تفصیلی دورہ کرایا اور تعلیمی حوالے سے بریفنگ دی اس موقع پر صاحبزادہ پیر قاری ارشاد علی قادری ، معروف عالم دین اور ماہر تعلیم ڈاکٹر معظم حسین ضیغم ودیگر اہم شخصیات موجو د تھیں
مہمان خصوصی پیر مفتی اختر علی قادری نے اساتذہ اور طلباسے ملاقات کی اور اس امر کا اظہار کیا کہ تعلیم ہی کامیابی کی علامت اور ضمانت ہے نوجوان نسل کو دینی علوم کے ساتھ ساتھ عصری علوم کے بارے میں آگاہی دینا وقت کی اہم ضرورت ہے انہوں نے ریان اسلامک میں جدید علوم اور دیگر شعبہ جات میں دی جانے والی کاووشوں پر سی ای او حافظ جمیل قادری کو خراج تحسین پیش کیا اور امید ظاہر کی کہ ریان اسلامک سنٹر علم کے فروغ کیلئے شاندار کارہائے نمایاں سرانجام دے گا استقبالیہ میں طلبا کو روشن مستقبل اور انہیں معاشرے کا بہترین فرد بننےکیلئے خصوصی لیکچر بھی دیا گیا اس موقع پر مہمان خصوصی کو ریان اسلامک سنٹر کے سی ای او حافظ صاحبزادہ جمیل قادری بیورچیف آج نیوز یو اے ای حافظ زاہد علی اور دیگر مہمانوں نے گلدستے پیش کئے اور اس امر کا اظہار کیا کہ ریان اسلامک سنٹر تعلیم کے فروغ کیلئے اپنی بہترین کاووشیں عمل میں لانے گا اور اساتذہ روشن مستقبل کیلئے اپنا کردار ادا کر تے رہیں گے اس موقع پر مہمان شرکا کے لیے ضیافت کا اھتمام بھی کیا گیا ۔
