صدرِ مملکت آصف علی زرداری نے وزیراعظم کی سفارش پر 3 اہم سمریوں کی منظوری دے دی ہے، جن میں اقوامِ متحدہ کے اسلاموفوبیا کے انسداد سے متعلق خصوصی ایلچی میگوئل اینجل موراٹینوس کو ہلالِ پاکستان عطا کرنے، لا اینڈ جسٹس کمیشن آف پاکستان کے رکن فضلِ حق عباسی کا استعفیٰ منظور کرنے اور ظفر حسن کی وفاقی پبلک سروس کمیشن (ایف پی ایس سی) کے رکن کے طور پر تقرری کی منظوری شامل ہے۔
صدرِ مملکت آصف علی زرداری نے وزیراعظم کی سفارش پر 3 اہم سمریوں کی منظوری دے دی ہے۔
منظور شدہ سمریوں کے مطابق صدرِ مملکت نے اقوامِ متحدہ کے اسلاموفوبیا کے انسداد سے متعلق خصوصی ایلچی میگوئل اینجل موراٹینوس کو ہلالِ پاکستان عطا کرنے کی منظوری دے دی۔
صدرِ مملکت نے لا اینڈ جسٹس کمیشن آف پاکستان کے رکن فضلِ حق عباسی کا استعفیٰ بھی منظور کر لیا ہے۔
علاوہ ازیں، صدر آصف علی زرداری نے ظفر حسن کی وفاقی پبلک سروس کمیشن (ایف پی ایس سی) کے رکن کے طور پر تقرری کی بھی منظوری دے دی۔
