پاکستان سوشل سنٹر شارجہ میں “پراؤڈ آف یو اے ای” کے عنوان سے پروقار تقریب کا انعقاد

پاکستان سوشل سنٹر شارجہ میں پاکستانی نجی بینک کے اشتراک سے “پراؤڈ آف یو اے ای” کے عنوان سے ایک شاندار اور پروقار تقریب کا انعقاد کیا گیا، جس میں متحدہ عرب امارات سے محبت، یکجہتی اور پاک۔امارات دوستی کو بھرپور انداز میں اجاگر کیا گیا۔تقریب کی صدارت پاکستان سوشل سنٹر شارجہ کے صدر خالد حسین چوہدری نے کی، جبکہ کمرشل قونصلر علی زیب خان مہمانِ خصوصی تھے۔ اس موقع پر پاکستان بزنس کونسل دبئی کے چیئرمینMuhammad Shabbir Merchant، پاکستان بزنس کونسل شارجہ کے سینئر وائس چیئرمین سید سلیم اختر، وائس چیئرمین عامر حسن، نورالصباح سمیت بزنس کونسل کے دیگر ڈائریکٹرز،

کاروباری شخصیات، نفر حسین، عمر بلوچ، ملک شہزاد، یاسمین کنول، سجاد عباسی، ملک محمد اسلم، اطاعت حسین، فہد اسد، محمد اقبال داؤد ،مقبول حسین دیگر شخصیات اور سماجی رہنماؤں اور پاکستانی کمیونٹی کی بڑی تعداد نے شرکت کی۔پاکستان سوشل سنٹر شارجہ کے ڈایکٹر فراز احمد صدیقی نے مہمانوں کو خوش آمدید کہا اور پاکستان سوشل سنٹر شارجہ کی کارکردگی کے بارے میں بریفنگ دی- تقریب میں بچوں نے ملی نغموں پر خوبصورت ٹیبلو اور ثقافتی پرفارمنس پیش کیں، جنہیں حاضرین نے بھرپور داد و تحسین سے نوازا۔ گلوکار نے اماراتی گیت پیش کرکے متحدہ عرب امارات سے اپنی محبت اور عقیدت کا اظہار کیا، جس نے تقریب کے شرکاء کا جوش و خروش مزید بڑھا دیا۔اس موقع پر صدر پاکستان سوشل سنٹر شارجہ خالد حسین چوہدری اور پاکستان بزنس کونسل شارجہ کے سینئر وائس چیئرمین سید سلیم اختر کا کہناتھاکہ متحدہ عرب امارات پاکستانیوں کا دوسرا گھر ہے۔ انہوں نے کہا کہ یو اے ای میں مقیم بیس لاکھ سے زائد پاکستانی اس ملک سے بھی اتنی ہی محبت کرتے ہیں جتنی اپنے وطن پاکستان سے، اور دونوں برادر ممالک کے درمیان مضبوط تعلقات پر فخر محسوس کرتے ہیں۔تقریب کے دوران نجی بینک کی جانب سے قرعہ اندازی کے ذریعے شرکاء میں تحائف تقسیم کیے گئے، جبکہ معزز مہمانوں کو ان کی خدمات کے اعتراف میں خصوصی شیلڈز بھی پیش کی گئیں۔ تقریب کے اختتام پر نجی بینک کی جانب سے کیک کاٹا گیا، جبکہ بینک کی انتظامیہ نے تمام مہمانوں اور شرکاء کا شرکت پر شکریہ ادا کیا۔ یاد رہے اس موقع پر کھانوں، ملبوسات اور چوڑیوں کے مختلف اسٹالز بھی لگائے گئے، جن سے شرکاء نے بھرپور لطف اٹھایا-

Share On Social Media

KARACHI

کراچی، جشن آزادی اور شہدائے پولیس کے اعزاز میں پروقار تقریب کا انعقاد، ایس ایس پی ویسٹ کی شرکت

شہر قائد کے ڈسٹرکٹ ویسٹ تھانہ منگھوپیر میں جشنِ آزادی اور شہدائے پولیس کے اعزاز

Read More

میر رضا کیس کی منصفانہ تفتیش ہوگی، فیملی کو ہر مرحلے سے آگاہ رکھیں گے، مراد علی شاہ

وزیراعلیٰ سندھ مراد علی شاہ نے کہا ہے کہ میر رضا کیس کی منصفانہ تفتیش

Read More

TECHNOLOGY

چین کے خلائی اسٹیشن پر تعیناتی: دو پاکستانی پائلٹس کی تربیت آخری مراحل میں داخل

پاکستان اور چین کے درمیان خلائی تعاون کی نئی تاریخ رقم ہونے جا رہی ہے،

Read More

ایپل کو تاریخ کا سب سے بڑا جھٹکا، پیٹنٹ چوری کے کیس میں 5.7 بلین ڈالر کا ریکارڈ جرمانہ

امریکی جیوری نے آئی فون اور ایپل واچ کی ہیپٹک ٹیکنالوجی میں پیٹنٹ حقوق کی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.