یوٹیوب نے نیا زبردست فیچر متعارف کروا دیا

دنیا کے سب سے بڑے ویڈیو شیئرنگ پلیٹ فارم ’یوٹیوب‘ نے اپنے مختصر دورانیے کے ویڈیو پلیٹ فارم ’یوٹیوب شارٹس ‘کو مزید مؤثر، جدید اور دلچسپ بنانے کے لیے تصاویر پر مبنی انقلابی فیچرز متعارف کرا دیے ہیں۔

اس نئی اپ ڈیٹ کے بعد اب یوٹیوب کریئیٹرز ویڈیوز کے ساتھ ساتھ تصاویر کے ذریعے بھی اپنے ناظرین سے زیادہ بہتر اور تخلیقی انداز میں رابطہ قائم کر سکیں گے۔

یوٹیوب انتظامیہ کے مطابق اس اقدام کا مقصد صارفین کو پلیٹ فارم پر جوڑے رکھنا اور دیگر سوشل میڈیا ایپس کا مقابلہ کرنا ہے۔

10 تصاویر کا جادو اور بیک گراؤنڈ میوزک کی سہولت

کمپنی کی جانب سے جاری کردہ تفصیلات کے مطابق، نئے فیچر کے تحت صارفین اب یوٹیوب شارٹس میں زیادہ سے زیادہ 10 تصاویر پر مشتمل ’فوٹو کیروسل‘پوسٹس اپ لوڈ کر سکیں گے، جنہیں ناظرین اپنی اسکرین پر دائیں سے بائیں سوائپ کر کے دیکھ سکیں گے۔

صارفین کے تجربے کو مزید شاندار بنانے کے لیے ہر تصویر پر اپنی مرضی کا ٹیکسٹ (تحریر) لکھنے اور اس کے پس منظر میں 15 سیکنڈ تک کا بیک گراؤنڈ میوزک لگانے کی سہولت بھی دی گئی ہے۔

یوٹیوب کا کہنا ہے کہ ’میوزک کے انتخاب کے لیے صارفین لائسنس یافتہ میوزک کیٹلاگ، یوٹیوب آڈیو لائبریری اور جہاں دستیاب ہو، وہاں مصنوعی ذہانت پر مبنی ’ڈریم ٹریک‘ فیچر سے بھی فائدہ اٹھا سکیں گے۔‘

بصری کہانیاں اور موسیقاروں کے لیے نئے مواقع

کمپنی کے مطابق، اس بڑی اپ ڈیٹ کا بنیادی مقصد کریئیٹرز کو شارٹس فیڈ میں زیادہ مؤثر انداز میں ’بصری کہانیاں‘ پیش کرنے کا موقع دینا ہے۔

اس فیچر سے نہ صرف عام کریئیٹرز بلکہ نئے اور ابھرتے ہوئے موسیقاروں کو بھی زبردست فائدہ پہنچے گا، کیونکہ ان کی موسیقی کو زیادہ سے زیادہ سامعین تک پہنچانے اور دریافت کیے جانے کے امکانات پہلے سے کہیں زیادہ بڑھ جائیں گے۔

انسٹاگرام اور ٹک ٹاک کو کڑی ٹکر

یہ نیا فیچر یوٹیوب شارٹس کو انسٹاگرام اور ٹک ٹاک کے مقبول ترین فوٹو کیروسل فارمیٹ کے انتہائی قریب لے آیا ہے، جہاں تصاویر کے ساتھ میوزک لگانے کا ٹرینڈ پہلے ہی نوجوانوں میں بے حد مقبول ہے۔

یوٹیوب انتظامیہ نے واضح کیا ہے کہ ’یہ سہولت بالخصوص ان کریئیٹرز اور آرٹسٹس کے لیے گیم چینجر ثابت ہوگی جو مختلف سوشل میڈیا پلیٹ فارمز پر بیک وقت اپنا مواد شیئر کرتے ہیں، کیونکہ اب انہیں یوٹیوب پر بھی اپنے پروموشنل اور تخلیقی مواد کے لیے ایک اور مانوس فارمیٹ دستیاب ہو گیا ہے۔‘

Share On Social Media

KARACHI

نارتھ کراچی صنعتی علاقہ : 731 ملین روپے کے ترقیاتی منصوبوں کا آغاز

میئر کراچی بیرسٹر مرتضیٰ وہاب نے نارتھ کراچی میں 731 ملین روپے کی لاگت سے

Read More

شیڈول ردی کی نذر: گیس بحران ، شہری ذہنی اذیت میں مبتلا

موسم سرما کی آمد سے قبل ہی شہر قائد میں گیس کا بحران شدت اختیار

Read More

TECHNOLOGY

جی ٹی اے 6 کا جنون، کمپنی نے ملازمین کو گیمز کھیلنے کے لیے چھٹی دےدی

معروف ٹیکنالوجی کمپنی لاجٹیک نے ویڈیو گیم گرینڈ تھیفٹ آٹو 6 (جی ٹی اے 6)

Read More

پریمیئم کے بغیر یوٹیوب پر اشتہارات سے چھٹکارا حاصل کرنے کے آسان طریقے

یوٹیوب پر ویڈیوز دیکھتے ہوئے بار بار آنے والے اشتہارات صارفین کے لیے پریشانی کا

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.