استنبول میں ورلڈ کلائمیٹ فورم کے زیرِ اہتمام یوتھ ایمرجنگ سمٹ 2026 کا کامیاب انعقاد

استنبول، ترکیے ( نامہ نگار خصوصی سید رضوان حیدر بخاری، روزنامہ جذبہ نیوز انٹرنیشنل)

دنیا کے چالیس ممالک سے آنے والے نوجوان رہنماؤں، محققین، طلبہ، سماجی کارکنوں اور ماہرین نے استنبول میں منعقد ہونے والی یوتھ ایمرجنگ سمٹ 2026 میں شرکت کی، جس کا انعقاد ورلڈ کلائمیٹ فورم یو کے، کے زیرِ اہتمام کیا گیا تھا۔ چار روزہ بین الاقوامی سربراہی اجلاس کا مقصد نوجوان نسل کو موسمیاتی تبدیلی، پائیدار ترقی، عالمی تعاون اور قائدانہ صلاحیتوں کے فروغ کے لیے ایک مشترکہ پلیٹ فارم فراہم کرنا تھا۔

سمٹ کے دوران مختلف ممالک سے تعلق رکھنے والے مندوبین نے موسمیاتی تبدیلی کے بڑھتے ہوئے خطرات، ماحول دوست پالیسیوں، گرین اکانومی، جدید ٹیکنالوجی، نوجوانوں کے کردار اور اقوامِ متحدہ کے پائیدار ترقیاتی اہداف کے حصول پر تفصیلی تبادلۂ خیال کیا۔ اس موقع پر ماہرین نے اس بات پر زور دیا کہ مستقبل کے عالمی فیصلوں میں نوجوانوں کی مؤثر شمولیت ناگزیر ہے۔

چار روزہ پروگرام میں بین الاقوامی مقررین کے خطابات، خصوصی ورکشاپس، پینل مباحثے، قائدانہ تربیتی نشستیں اور نیٹ ورکنگ سیشنز منعقد کیے گئے، جہاں شرکاء کو دنیا بھر کے ماہرین اور پالیسی سازوں سے براہِ راست سیکھنے اور اپنے خیالات پیش کرنے کا موقع ملا۔ نوجوان مندوبین نے ماحولیات کے تحفظ، پائیدار ترقی اور عالمی تعاون کے فروغ کے لیے اپنی تجاویز بھی پیش کیں۔

ورلڈ کلائیمیٹ فورم یو کے، کے چئیرمین سعد حسن جن کا تعلق پاکستان سے ہے، اپنے خیالات کا اظہار کرتے ہوئے کہا کہ یوتھ ایمرجنگ سمٹ صرف ایک کانفرنس نہیں بلکہ مستقبل کے عالمی رہنماؤں کو بااختیار بنانے کی ایک بین الاقوامی تحریک ہے، جس کا مقصد نوجوان نسل کو مثبت تبدیلی کا عملی حصہ بنانا ہے۔

دیگر مہمانان میں کنٹری ہیڈ مسلم ہینڈز ترکیے ڈاکٹر عثمان علی، ڈاکٹر گلباز محمود، راولپنڈی وومن چیمبر آف کامرس کی صدر اور سکلپچر آرٹسٹ محترمہ رفعت شاہین، پاکستانی کاروباری شخصیت محمد ارشد اور پاکستان قونصل خانے سے شاہد اکرام باجوہ شامل تھے۔۔

سمٹ کے اختتام پر شرکاء میں اسناد تقسیم کی گئیں، جبکہ مختلف ممالک کے نوجوانوں کے درمیان مستقبل میں مشترکہ منصوبوں اور بین الاقوامی تعاون کو مزید فروغ دینے کے عزم کا اظہار بھی کیا گیا۔

سمٹ میں شریک سبھی نوجوانوں نے اپنے اپنے ملک کے قومی و ثقافتی لباس بھی زیب تن کیے اور رقص بھی کیا، جس سے سبھی شرکاء کو ایک دوسرے کی ثقافت سے بھی روشناس ہونے کا موقع ملا۔

استنبول میں منعقد ہونے والا یہ بین الاقوامی اجلاس ایک بار پھر اس حقیقت کا مظہر بنا کہ ترکیہ عالمی سفارت کاری، نوجوانوں کی قیادت اور بین الاقوامی مکالمے کے لیے ایک اہم مرکز کے طور پر اپنی شناخت مستحکم کر رہا ہے۔

Share On Social Media

KARACHI

جامعہ اردو کو بیل آؤٹ پیکج دیا جائیگا،وفاقی وزیرتعلیم

ایم کیو ایم پاکستان کے مرکز بہادرآباد پر وفاقی وزیر تعلیم ڈاکٹر خالد مقبول صدیقی

Read More

ایف پی سی سی آئی کا ترکیہ میں اسلامک چیمبر کے بورڈ اجلاس میں پاکستان کے قائدانہ کردار کا اعادہ

کراچی: فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے

Read More

TECHNOLOGY

کیموتھراپی کے بعد کینسر کی واپسی کا ایک نیا راز بے نقاب

امریکا کے وائیسٹار انسٹیٹیوٹ کے سائنسدانوں نے ایک نئی تحقیق میں انکشاف کیا ہے کہ روزمرہ خوراک

Read More

اے آئی پر کھربوں ڈالر کی سرمایہ کاری لیکن منافع کہاں؟ ایپل، ایمیزون اور دیگر ٹیک کمپنیوں کے نئے منصوبے سامنے آگئے

دنیا کی بڑی ٹیکنالوجی کمپنیوں ایپل، ایمیزون، مائیکروسافٹ، گوگل اور میٹا نے اپنی تازہ مالیاتی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.