قونصلیٹ جنرل آف پاکستان دبئی کے قونصل جنرل حسین محمد اور دیگر سٹاف محمد صالح، نعمان اکرم، علی زیب، عمران شاہد اور جنید مرتضیٰ نے وسٹا میری ٹائم ٹریول اینڈ ٹورازم دبئی کا دورہ کیا- اس موقع پر وسٹا میری ٹائم ٹریول اینڈ ٹورازم کے سی ای او ڈاکٹر ظفر طاہر نے اپنے سٹاف کے ہمراہ قونصلیٹ سے آئے مہمانوں کا پھولوں اور گرم جوشی کے ساتھ استقبال کیا اور انہیں اپنے آفس کے مختلف شعبوں کا دورہ کروایا-
قونصلیٹ سٹاف سے ملاقات کے دوران وسٹا میری ٹائم ٹریول اینڈ ٹورازم کے سی ای او ڈاکٹر ظفر طاہر نے بتایا کہ ہم پاکستان ، متحدہ عرب امارات اور دیگر ممالک کے درمیان ٹورازم کو فروغ دے رہے ہیں اور دنیا بھر کے ممالک کے لوگوں کی توجہ پاکستان کی سیاحت کی طرف مبذول کروا رہے ہیں- اس سلسلہ میں ہم نے حال ہی میں انڈونیشیا کا دورہ کر کے وہاں کے ٹورازم ڈیپارٹمنٹ اور سیاحتی اداروں سے سیاحتی معاہدے کئے ہیں جس سے دیگر ممالک کے لوگوں کی پاکستان میں سیاحت کی دل چسپی بڑھے گی-
قونصلیٹ جنرل آف پاکستان دبئی کے قونصل جنرل حسین محمد نے سیاحت کے فروغ کے لئے وسٹا میری ٹائم ٹریول اینڈ ٹورازم کی کوششوں کوسراہا اور کمپنی کے سی ای او ڈاکٹر ظفر طاہر کو خراج تحسین پیش کیا-
