کن الیکٹرک گاڑیوں پر یکم جولائی سے ٹیکس لگنے والا ہے؟، تفصیل سامنے آگئی

پاکستان میں یکم جولائی 2026 سے نافذ ہونے والے نئے بجٹ میں الیکٹرک گاڑیوں پر فیڈرل ایکسائز ڈیوٹی ‘ایف ای ڈی’ عائد کرنے کا فیصلہ کیا گیا ہے۔

فیصلے کے تحت 2 کروڑ پاکستانی روپے ’75 ہزار ڈالر‘ سے زیادہ مالیت کی پرتعیش ’لگژری‘ الیکٹرک گاڑیوں پر ٹیکس لگے گا جبکہ اس سے کم قیمت والی گاڑیوں کو استثنیٰ حاصل ہوگا۔

میڈیا رپورٹس کے مطابق یہ اہم معلومات قومی اسمبلی کی خزانہ کمیٹی کے حالیہ اجلاس میں سامنے آئیں جہاں ایف بی آر حکام نے بریفنگ دیتے ہوئے واضح کیا کہ لگژری الیکٹرک گاڑیوں پر بھی دیگر روایتی گاڑیوں کی نسبت ٹیکس کم رکھا گیا ہے۔

میڈیا رپورٹ کے مطابق اجلاس کے دوران الیکٹرک گاڑیوں پر ٹیکسیشن اور انفراسٹرکچر کی کمی پر کمیٹی اراکین نے سخت تحفظات کا اظہار کیا۔

ممبر کمیٹی حنا ربانی کا کہنا تھا کہ الیکٹرک گاڑیاں روایتی ’آئی سی ای‘ گاڑیوں کی نسبت پہلے ہی مہنگی ہیں، ان پر 30 فیصد ڈیوٹی لگانا ’غلط پالیسی‘ ہے کیونکہ اس شعبے میں ہر 6 ماہ بعد نئی جدت آ رہی ہے۔

رکن کمیٹی شرمیلا فاروقی نے حکومت سے مہم جوئی ختم کر کے واضح پالیسی لانے کا مطالبہ کیا کہ آیا وہ الیکٹرک گاڑیوں کو فروغ دینا چاہتی ہے یا نہیں۔

 دوسری جانب رکن شاہدہ اختر نے ملک میں بجلی کے نازک حالات کا ذکر کرتے ہوئے الیکٹرک چارجنگ اسٹیشنز کے لیے فوری پالیسی وضع کرنے پر زور دیا اور سوال اٹھایا کہ ’چارجنگ اسٹیشنز کے بغیر یہ گاڑیاں کیسے چلیں گی؟۔

Share On Social Media

KARACHI

گڈاپ کاٹھور ٹریفک حادثہ، جاں بحق 12 افراد کا تعلق ایک ہی خاندان سے تھا

گڈاپ کاٹھور پر ایک شدید ٹریفک حادثہ پیش آیا، جس میں 12 افراد جاں بحق

Read More

TECHNOLOGY

ایپل کا اپنی اسمارٹ واچ کیلئے تھری ڈی پرنٹڈ ایلومینیم کیس متعارف کرانے پر غور

ٹیکنالوجی کمپنی ایپل مستقبل کی ایپل واچ کے لیے تھری ڈی پرنٹڈ ایلومینیم کیس متعارف کرانے پر

Read More

آپ کے گھر کا پتا اور ذاتی معلومات آن لائن فروخت ہو رہی ہیں، تدارک کیا ہے؟

ایک مفت دستیاب ٹول موجود ہے جو آپ کی ذاتی معلومات کو گوگل سرچ کے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.