صدر مملکت آصف علی زرداری نے قومی اسمبلی اور سینیٹ کے اجلاس طلب کرنے کی منظوری دے دی۔
اعلامیے کے مطابق صدر مملکت نے قومی اسمبلی کا اجلاس 10 جون 2026 کو شام 5 بجے طلب کرنے کی منظوری دی ہے، جبکہ سینیٹ کا اجلاس بھی 10 جون 2026 کو شام 4 بجے منعقد ہوگا۔
قومی اسمبلی اور سینیٹ کے یہ اجلاس مقررہ وقت پر پارلیمنٹ ہاؤس اسلام آباد میں منعقد ہوں گے۔
واضح رہے کہ حکومت کی جانب سے وفاقی بجٹ 12 جون کو قومی اسمبلی میں پیش کیے جانے کا امکان ہے۔
وفاقی وزیر پارلیمانی امور طارق فضل چوہدری نے بھی اس بات کی تصدیق کی ہے کہ بجٹ پیش کرنے کے حوالے سے تیاریاں جاری ہیں، اور وفاقی بجٹ 12 جون کو پیش کیا جا سکتا ہے۔
اس سے قبل وفاقی بجٹ پیش کرنے کی تاریخوں میں 2 بار ردوبدل ہو چکا ہے۔
