پنجاب کے بعد اسلام آباد میں بھی توانائی بچت مہم کے تحت مارکیٹوں کے اوقاتِ کار تبدیل کر دیے گئے۔
اعلامیے کے مطابق اسلام آباد میں آج سے مارکیٹیں اور مالز رات 8 بجے بند ہوں گے۔ میڈیکل اسٹورز اور اسپتال پابندی سے مستثنیٰ ہوں گے۔
نوٹیفکیشن کے مطابق پیٹرول پمپس، سی این جی اسٹیشنز معمول کے مطابق کُھلے رہیں گے، ریسٹورنٹس، فوڈپوائنٹ، تندور، کریانہ اور بیکریاں رات10بجے بند ہوں گی۔ شادی ہالز اور مارکیز کوبھی رات10بجے تک بند کرنے کا حکم دیا گیا ہے۔
قبل ازیں عید ختم ہونے کے بعد پنجاب میں بھی مارکیٹوں پر وقت کی پابندی آج سے دوبارہ نافذ العمل ہوگا۔
دو جون سے مارکیٹ اور ریسٹورنٹ پرانے اوقات کار کے مطابق کھلیں گے، وقت کی پابندی سے استثنیٰ صرف یکم جون تک دیا گیا تھا۔
