ایڈمنسٹریٹر طارق تنولی کے مطابق، اب گھنٹوں کے سودے منٹوں میں طے پا رہے ہیں، بیوپاریوں اور خریداروں کے درمیان بھاو تاو کی تکرار کے بعد دھڑا دھڑ سودے ہو رہے ہیں اور کراچی والے اپنے من پسند اور خوبصورت جانور قربانی کے لیے سستے داموں خرید کر اپنے گھروں کو لے جا رہے ہیں،ایڈمنسٹریٹر عوام دوست منڈی طارق تنولی کا کہنا ہے کہ شہری فیملیز کے ہمراہ رات کے آخری پہر بھی بڑی تعداد میں مویشی منڈی کا رخ کر رہے ہیں، اونٹ، بچھیا اور بکروں کی خریداری میں اچانک تیزی آچکی ہے اور سب سے اچھی بات یہ ہے کہ شہری انتہائی پرامن اور محفوظ ماحول میں خریداری کر کے اپنے گھروں کو لوٹ رہے ہیں دوسری جانب خریداری میں تیزی آتے ہی نادرن بائی پاس اور گلشنِ معمار کے اطراف جانوروں کی روانگی پر گاڑیوں کا اژدہام نظر آ رہا ہے، قربانی کے جانوروں سے لدے ٹرک، سوزوکیاں اور مزدا گاڑیاں سڑکوں پر رواں دواں ہیں جس کے باعث گھنٹوں لمبی لائنیں لگ گئی ہیں لیکن شہریوں کا جوش و خروش دیدنی ہے
