پاکستان بریٹین بزنس کونسل کے ہیڈ آف انٹرنیشنل ٹریڈ اینڈ انویسٹمنٹ سمیر احمد شاہد، پارٹنر ایلیٹ ہادی شاہد چارٹرڈ اکاؤنٹنٹس، اور عمر فاروق، ڈائریکٹر آف ٹریڈ اینڈ انویسٹمنٹس، پاکستان بریٹین بزنس کونسل، نے مشترکہ طور پر راشد اقبال، چیف ایگزیکٹو آفیسر پاکستان بریٹین بزنس کونسل، برطانیہ کے اعزاز میں دبئی کے ایک ہوٹل میں ایک خصوصی بزنس لنچ کی میزبانی کی۔
اس تقریب میں نمایاں کاروباری رہنماؤں، پیشہ ور افراد اور متحدہ عرب امارات اور برطانیہ میں کا
م کرنے والی معروف پاکستانی بزنس کونسلز کے نمائندوں نے شرکت کی تاکہ پاکستانی ڈائسپورا کے درمیان دوطرفہ تجارت، سرمایہ کاری اور پیشہ ورانہ تعاون کو فروغ دیا جا سکے۔
اس تقریب کے مہمانِ خصوصی علی زیب خان، پاکستان کے کمرشل قونصلر برائے متحدہ عرب امارات تھے، جنہوں نے اسٹریٹجک تعاون اور مشترکہ کوششوں کی اہمیت پر زور دیا تاکہ دونوں ممالک میں پاکستانی ملکیتی کاروبار کو مضبوط بنایا جا سکے۔ انہوں نے بیرونِ ملک پاکستانی بزنس کونسلز کے کردار کو معاشی ترقی، تجارت کے فروغ اور دونوں ممالک کے درمیان سرمایہ کاری کے مواقع میں سہولت کاری کے حوالے سے اجاگر کیا۔
سمیر احمد شاہد نے پاکستان بزنس اینڈ پروفیشنلز کونسل ابو ظہبی، پاکستان بزنس کونسل دبئی، اور پاکستان بزنس کونسل شارجہ کے وفود کو علیحدہ علیحدہ مدعو کیا جس کا مقصد متحدہ عرب امارات اور برطانیہ میں قائم پاکستانی کاروباری تنظیموں کے درمیان تعاون کو مضبوط بنانا اور مشترکہ ہم آہنگی پیدا کرنا تھا۔
پاکستان بزنس کونسل دبئی کے وفد کی قیادت شبیر مرچنٹ، چیئرمین پاکستان بزنس کونسل دبئی نے کی، ان کے ہمراہ خرم خواجہ، سیکریٹری جنرل، نور کریم آفریدی، وائس چیئرمین فنانس اور مصطفیٰ ہیمانی، ایگزیکٹو ایڈوائزر شامل تھے۔
پاکستان بزنس اینڈ پروفیشنلز کونسل ابو ظہبی کی نمائندگی سید اعجاز بخاری، ڈائریکٹر نے کی۔
پاکستان بزنس کونسل شارجہ کے وفد کی قیادت سید سلیم اختر، سینئر وائس چیئرمین نے کی، اور اس میں ڈاکٹر نورالصباح، ڈائریکٹر ویمن ونگ؛ صفدر رشید، ڈائریکٹر، ڈاکٹر ظفر رضوی، ایگزیکٹو ممبر، راشد الحق، شفیق الرحمٰن، صدر ایونٹس اینڈ ایگزیبیشنز کمیٹی ، فراز احمد صدیقی، نائب صدر ایونٹس اینڈ ایگزیبیشنز کمیٹی پاکستان بزنس کونسل شارجہ اور پاکستان سوشل سینٹر شارجہ کے ڈائریکٹر شامل تھے۔اس اجتماع کے دوران شرکاء نے نتیجہ خیز گفت و شنید اور علیحدہ ملاقاتوں میں حصہ لیا جن کا مقصد متحدہ عرب امارات میں مقیم پاکستانی ڈائسپورا کے کاروباری افراد، سرمایہ کاروں اور پیشہ ور افراد کی معاونت کے لیے اشتراکی شراکت داریوں کو فروغ دینا تھا۔ ان مباحثوں میں تجارت کی سہولت، سرمایہ کاری کی شراکت داری، کاروباری نیٹ ورکنگ اور ادارہ جاتی تعاون کے مواقع پر بھی غور کیا گیا۔
معزز شرکاء میں مسٹر ہارون چوہدری، قونصلر پاکستان قونصلیٹ دبئی، مسٹر شہباز علی بھٹہ، عادل خان، ہیڈ آف ٹریڈ اینڈ انویسٹمنٹ یوکے پی بی بی سی، ڈاکٹر عبد الہادی شاہد اور منیجنگ پارٹنر الائیٹ ہادی شاہد چارٹرڈ اکاؤنٹنٹس موجود تھے۔تقریب کا اختتام تمام شریک تنظیموں کے اس مشترکہ عزم کے ساتھ ہوا کہ وہ متحدہ عرب امارات اور برطانیہ میں پاکستانی کاروباری برادریوں کے درمیان روابط کو مزید مضبوط کریں گے، جبکہ پائیدار اقتصادی ترقی، پیشہ ورانہ ترقی اور پاکستانی ڈائسپورا کے لیے بین الاقوامی تجارتی مواقع کو فروغ دیں گے۔
