یوٹیوب میں اے آئی سرچ فیچر متعارف

 گوگل نے اپنی مصنوعی ذہانت ٹیکنالوجی کو مزید وسعت دیتے ہوئے یوٹیوب کے لیے ایک نیا اے آئی سرچ فیچر ’’Ask YouTube‘‘ متعارف کرا دیا۔

نئے فیچر کے تحت صارفین کسی بھی موضوع پر پیچیدہ سوالات تحریر کرسکیں گے، جس کے جواب میں یوٹیوب نہ صرف متعلقہ ویڈیوز تجویز کرے گا بلکہ ٹیکسٹ سمری اور اضافی معلومات بھی فراہم کرے گا، اس کے ساتھ صارفین فالو اپ سوالات بھی پوچھ سکیں گے، بالکل ایسے جیسے کسی اے آئی چیٹ بوٹ سے گفتگو کی جاتی ہے۔

اس فیچر کی نمایاں خصوصیت یہ ہے کہ یہ صارف کو پوری ویڈیو دیکھنے کے بجائے براہِ راست اُس مخصوص حصے تک لے جائے گا جہاں مطلوبہ معلومات موجود ہوں گی، مثال کے طور پر اگر کوئی صارف کسی ٹریول وی لاگ میں کسی خاص مقام یا مفید ٹِپ کے بارے میں جاننا چاہے تو اے آئی اُسے سیدھا اسی حصے تک پہنچا دے گا۔

گوگل کے چیف ایگزیکٹو سندر پچائی نے سالانہ ڈیولپر کانفرنس کے دوران اس فیچر کا اعلان کرتے ہوئے کہا کہ ’’Ask YouTube‘‘ معلومات حاصل کرنے کے انداز کو مزید آسان اور مؤثر بنائے گا، گوگل مسلسل اپنی مختلف سروسز میں اے آئی ٹیکنالوجی شامل کر رہا ہے تاکہ صارفین کو زیادہ سمارٹ اور جدید تجربہ فراہم کیا جا سکے۔

فی الحال یہ فیچر امریکا میں یوٹیوب پریمیئم استعمال کرنے والے 18 سال یا اس سے زائد عمر کے صارفین کے لیے متعارف کرایا گیا ہے، تاہم کمپنی نے عندیہ دیا ہے کہ جلد اسے دیگر ممالک میں بھی پیش کیا جائے گا۔

کمپنی کے مطابق صارفین کو یہ فیچر اپنے اکاؤنٹ سیٹنگز میں جا کر فعال کرنا ہوگا، جس کے بعد سرچ بار میں ’’Ask YouTube‘‘ کا نیا بٹن ظاہر ہوگا، یہاں صارفین کو مختلف سوالات کی تجاویز بھی دی جائیں گی جبکہ وہ اپنی مرضی کا سوال بھی تحریر کرسکیں گے۔

ٹیکنالوجی ماہرین کے مطابق یہ نیا فیچر یوٹیوب سرچ کے روایتی انداز کو نمایاں طور پر تبدیل کرسکتا ہے کیونکہ اب صارفین کو مطلوبہ معلومات کے لیے طویل ویڈیوز دیکھنے کے بجائے اے آئی کی مدد سے فوری اور درست معلومات تک رسائی حاصل ہو سکے گی۔

Share On Social Media

KARACHI

کراچی: ایدھی سینٹر پر مسلح ڈاکوؤں کا دھاوا، 65 لاکھ روپے لوٹ کر فرار

کراچی کے علاقے سہراب گوٹھ ایدھی سینٹر پر 4 مسلح ڈاکوؤں نے دھاوا بول دیا

Read More

میر رضا کیس، راتوں رات قبر کشائی سے پہلے نیا میڈیکل بورڈ تشکیل

کراچی:  میر رضا کیس میں اہم پیش رفت سامنے آگئی۔ محکمہ صحت سندھ نے قبر

Read More

TECHNOLOGY

شیاؤمی 18 پرو اور پرو میکس متعارف، جدید خصوصیات اور قیمت سامنے آگئی

شیاؤمی نے چین میں اپنے نئے فلیگ شپ اسمارٹ فونز 18 پرو اور 18 پرو

Read More

کیا اے آئی واقعی انسانوں کا خاتمہ کرسکتی ہے، اچانک دنیا میں خوف کیوں پھیل گیا؟

مصنوعی ذہانت کی ترقی گزشتہ چند برس میں اتنی تیز ہوئی ہے کہ اب یہ

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.