لندن : برطانیہ میں مستقل رہائش حاصل کرنے والوں کی تعداد میں ریکارڈ اضافے نے حکومت کے لیے وبال جان بن گیا ہے۔ مقامی میڈیا کے تجزیے کے مطابق جون 2025ءمیں 163,353 سیٹلمنٹ گرانٹس جاری کی گئیں جو گزشتہ سال کے مقابلے میں 18 فیصد زیادہ ہیں، جہاں 2018ءکے بعد سے سیٹلمنٹ گرانٹ میں تواتر کے ساتھ اضافہ دیکھنے میں آ رہا ہے۔ اعداد و شمار کے مطابق 39 ہزار 946 گرانٹس ایسے افراد کو دی گئیں جنہیں پناہ گزین، انسانی تحفظ یا خصوصی بنیاد پر رہائش حاصل تھی، خاندانی بنیاد پر 45 ہزار 170 افراد کو مستقل رہائش دی گئی جو مارچ 2014ءکے بعد دوسری بڑی سالانہ تعداد ہے۔
مذکورہ حوالے سے نیوز ایجنسیز نے بتا یا ہے کہ ورک روٹ کے تحت 59 ہزار 766 گرانٹس اور 18 ہزار 471 گرانٹس دیگر کیٹیگریز میں شامل افراد کو دی گئیں۔ ماہرین کے نکتہ اعتراض کے مطابق برطانوی حکومت کی جانب سے مقرر کردہ معیار پر پورا اترنے والے افراد ہی ان گرانٹس کے اہل ہوتے ہیں۔