)ناردرن بائی پاس پر قائم ‘عوام دوست مویشی منڈی’ میں عیدِ قربان کی گہما گہمی عروج پر پہنچ چکی ہے ملک بھر سے گائے، بیل اور بکروں کی آمد کے بعد جانوروں کی مجموعی تعداد 25 ہزار سے تجاوز کرگئی، 5 اپریل سے فنکشنل ہونے والی مویشی منڈی میں بیوپاریوں کے اطمینان اور خریداروں کی دلچسپی کے باعث رونقیں بحال ہیں تفصیلات کے مطابق مویشی منڈی کے مارشیلنگ ایریا میں ہر گھنٹے بعد بڑے ٹریلرز کے ذریعےدن رات جانوروں کی آمد کا سلسلہ جاری ہے، بیوپاریوں نے اپنے من پسند بلاکس میں پلاٹ بک کروا کر جانور اتارنا شروع کر دیئے، ٹنڈو آدم کے بیوپاری غلام نبی گلابی، کاموری، سندھی اور ٹابرا نسل کے انتہائی خوبصورت اور صحت مند بکرے لے کر منڈی پہنچاہے،غلام نبی کا کہنا ہے کہ وہ اعلیٰ نسل کے جانورلایاہے اور امید ہے کہ خریداروں کی جانب سے اچھی قیمت ملنے پر انہیں فروخت کرے گا،مویشی منڈی کے انتظامات کے حوالے سے گفتگو کرتے ہوئے ایڈمنسٹریٹر طارق تنولی نے بتایا کہ بیوپاریوں اور خریداروں کی سہولت کے لیے انتظامیہ نے مثالی اقدامات کیے ہیں، جانوروں کے لیے چوبیس گھنٹے پانی کی بلا تعطل فراہمی یقینی بنایا جارہا ہے، بڑے جانور کو 30 لیٹر اور چھوٹے جانور کو 8 لیٹر پانی روزانہ مفت فراہم کیا جاتا ہے، شہریوں کی سہولت کے لیے مویشی منڈی میں دوسو ایکٹر رقبے پر قائم محفوظ پارکنگ، اسٹریٹ لائٹس کی روشنی اور جدید فوڈ اسٹریٹ قائم کی جاچکی ہے جہاں معیاری کھانے دستیاب ہیں، ایڈمنسٹریٹر کا مزید کہنا تھا کہ سیکیورٹی اور دیگر سہولیات کے باعث خریداروں کا اعتماد بڑھ رہا ہے اور آنے والے دنوں میں جانوروں کی تعداد اور شہریوں کے رش میں مزید اضافے کا امکان ہے