ایف بی آر نے استعمال شدہ موبائل فونز اور اسیسریز کی کمرشل درآمد پر اہم فیصلہ کر لیا ، کسٹم نے استعمال شدہ موبائل اور اسیسریز کی درآمد پر بڑھائی گئی ڈیوٹیز واپس لے لی۔
استعمال شدہ موبائل فونز اور اسیسریز کی کسٹم ویلیوایشن 25 ڈالر سے لیکر 110 ڈالر تک بڑھادی گئی تھی، ایف بی آر کے مطابق استعمال شدہ موبائل فونز اور اسیسریز کی درآمد پرانی ویلیوایشن پر تاحکم ثانی جاری رہے گی۔
کراچی الیکٹرانکس ڈیلرز ایسوسی ایشن کے صدر رضوان عرفان کا کہنا ہے کہ معاملہ عدالت میں تھا، ڈیوٹیز نہیں بڑھ سکتی تھیں۔ پرانی ڈیوٹیز پر درآمد سے اب استعمال شدہ موبائل فونز اور اسیسریز مہنگی نہیں ہوں گی۔ ڈائریکٹوریٹ آف کسٹم کراچی نے تمام ڈرائی پورٹس اور درآمدی پوائنٹس کو فیصلے سے مطلع کردیا ہے۔
