پاکستان پیپلز پارٹی یو اے ای کے زیرِ اہتمام یومِ یکجہتی متحدہ عرب امارات کے موقع پر ایک نہایت شاندار، منظم اور پُراثر تقریب کا انعقاد افغان پلو پیلس ریسٹورنٹ، المطینہ روڈ، دیرہ دبئی میں شام 7 بجے کیا گیا- تقریب میں خادم شاہین، محمد خاصخیلی، مومی ملک، شکیل چیچی، صولت چیچی، ظروف میاں، عمران امین چوہان، رضوان کھوکھر اور پاکستانی کمیونٹی کی بڑی اور باوقار تعداد نے شرکت کی۔ جبکہ اس تقریب کی میزبانی ملک محمد اسحاق چیف آرگنائزر، پاکستان پیپلز پارٹی یو اے ای نے کی-
یہ اجتماع محض ایک رسمی تقریب نہ تھا بلکہ اظہارِ وفاداری، تجدیدِ عہد اور پاک،امارات اخوت کا ایک زندہ و متحرک مظہر تھا جہاں ہر دل میں متحدہ عرب امارات کے لیے محبت، احترام اور وابستگی کی کیفیت نمایاں تھی۔
میزبان ملک محمد اسحاق نے خطاب کرتے ھوئے کہا کہ یہ دن محض ایک تقریب نہیں بلکہ اعترافِ احسان، اظہارِ تشکر اور تجدیدِ وفاداری کا دن ہے- انہوں نے بانیٔ امارات شیخ محمد بن زاید النہیان کو زبردست خراجِ عقیدت پیش کیا- انہوں نے کہا کہ آج یو اے ای امن و استحکام کا مرکز، برداشت و رواداری کی علامت اور جدید حکمرانی کا عالمی نمونہ ہے-انہوں نے کہاکہ ہم یہاں صرف مقیم ہی نہیں بلکہ ہم اس کی ترقی کےساتھی ، اس کے نظام کے معاون اور اس مستقبل کے معمار ہیں-ملک محمد اسحاق نے مزید کہا کہ ہمیں یو اے ای کے قوانین کا احترام ، اس کی اقدار کی پاسداری اور اس کی ساکھ کا تحفظ کرنا چاہیے -جو ملک ہمیں عزت دیتا ہے، اس کے ساتھ وفاداری ہمارا فرض بھی ہے- ایک اور مقرر سردار جاوید یعقوب نے کہا کہ ہم متحدہ عرب امارات، اس کی قیادت، اس کے اداروں اور اس کی عظیم قوم کے ساتھ ہر حال میں کھڑے ہیں، انہوں نے تنظیمی استحکام، تمام ریاستی چیپٹرز کی فعالیت اور نوجوانوں کی شمولیت پر بھی زور دیا۔اس موقع پر تنظیمی تقرریوں کا اعلان کیا گیا جس میں ملک محمد اسحاق کو چیف آرگنائزر اور فراز قیوم چودھری کو سینئر نائب صدر مقرر کیا گیا-
