سعودی عرب میں 18 اپریل سے حج پروازوں کی آمد کا سلسلہ شروع ہوگا۔
پاکستان ایئرپورٹ اتھارٹی (پی اے اے) کے مطابق لاہور ایئرپورٹ سے بھی پری حج فلائٹ شیڈول مرتب کر لیا گیا ہے۔
پری حج فلائٹ شیڈول میں شامل 4 ایئر لائنز کی 101 پروازیں شامل ہیں۔
پری حج آپریشن میں پی آئی اے کی 33 پروازیں آپریٹ کی جائیں گی جبکہ سعودی ایئر لائن 29، ایئر بلیو 24 اور ایئر سیال کی 15 پروازیں آپریٹ کرے گی، لاہور ایئرپورٹ سے پہلی حج پرواز 18 اپریل کو آپریٹ کی جائے گی۔
پی اے اے کے مطابق 18 اپریل کو سعودی ایئر لائن کی پرواز ایس وی 5735 لاہور سے مدینہ روانہ ہوگی۔
دوسری جانب بیت اللہ شریف کی خوبصورتی اور تقدس کو مزید محفوظ بنانے کیلئے اہم کام کا آغاز کر دیا گیا ہے، حرمین شریفین کی انتظامیہ کے مطابق جدید ٹیکنالوجی کی مدد سے بیت اللہ شریف کے بیرونی اور اندرونی حصوں کی دیواروں کو مضبوط اور محفوظ بنایا جا رہا ہے۔
اس نازک اور مقدس ذمہ داری کیلئے ماہر اور تجربہ کار کاریگر خدمات سرانجام دے رہے ہیں، جو نہایت احتیاط اور عقیدت کے ساتھ اس کام میں مصروف ہیں۔
