امریکی صدر ڈونلڈ ٹرمپ نے ایک بار پھر وزیراعظم پاکستان شہباز شریف کا تذکرہ کیا ہے۔
واشنگٹن میں پریس کانفرنس کرتے ہوئے انہوں نے کہاکہ میں نے پاکستان اور بھارت سمیت 8 جنگیں رکوائیں۔
انہوں نے کہاکہ وزیراعظم پاکستان کی بات نے مجھے خوش کردیا، جب انہوں نے کہا ’آپ نے پاک بھارت جنگ رکوا کر کروڑوں انسانوں کی جانیں بچائی ہیں۔‘
واضح رہے کہ وزیراعظم پاکستان شہباز شریف نے مصر میں غزہ امن منصوبے کے اعلان کے موقع پر صدر ٹرمپ کو مخاطب کرتے ہوئے کہا تھا کہ آپ نے پاکستان اور بھارت کے درمیان جنگ رکوا کر کروڑوں انسانوں کی زندگیاں بچائی ہیں۔
مئی 2025 میں پاکستان اور بھارت کے درمیان ہونے والے ایک معرکے میں امریکی صدر ڈونلڈ ٹرمپ نے مداخلت کرتے ہوئے جنگ بندی کرائی تھی۔
پاکستان کی جانب سے اس بات کا اعتراف کیا جاتا ہے کہ امریکی صدر ڈونلڈ ٹرمپ نے جنگ بندی کے لیے کردار ادا کیا، تاہم بھارت اس بات کا انکار کرتا ہے۔
