کراچی والو! ہوجاو تیار ، قربانی کا فریضہ ہو یا صحتمند جانوروں کی تلاش، نادرن بائی پاس پر قائم “عوام دوست منڈی” ہر سال کی طرح اس سال بھی حاضر ہے تفصیل کے مطابق عیدِ قربان پر خوبصورت اور چھوٹے بڑے جانوروں کی خرید و فروخت کیلئے پہلے دو ٹرک آتے ہی نادرن بائی پاس کی فضا بیوپاریوں کی آوازوں سے گونج اٹھی “عوام دوست منڈی” کے داخلی راستوں پر پہلے دو بڑے ٹرک کامیابی سے داخل ہوچکے ہیں جن میں کندھ کوٹ سے تعلق رکھنے والے بیوپاری نیک محمد کے 43 انتہائی خوبصورت اور صحت مند جانور شامل ہیں،عوام دوست منڈی انتظامیہ نے اس بار روایتی منڈیوں سے ہٹ کر ‘کسٹمر فرینڈلی’ اقدامات کیے ہیں، منڈی میں قدم رکھتے ہی جانوروں کا فوری فری میڈیکل چیک اپ کیا جا رہا ہے تاکہ شہری بیماریوں سے پاک جانور خرید سکیں، چھوٹے اور بڑے جانوروں کے لیے پانی کی مفت فراہمی فی جانور 8 سے 30 لیٹر چوبیس گھنٹے جاری رہے گی جبکہ بیوپاریوں کو اپنی مرضی سے چارہ لانے کی مکمل چھوٹ دی گئی ہے، شہریوں کی سہولت کے لیے فوڈ اسٹریٹ پر نامور برانڈز نے کمر کس لی ہے ، اسٹریٹ لائٹس لگتے ہی رات کی روشنیوں اور بہترین صفائی کے انتظامات نے منڈی کو ایک تفریحی مقام میں بدل دیا ہے، سیکیورٹی کے فول پروف انتظامات کے تحت اہلکاروں نے تمام داخلی و خارجی راستوں پر پوزیشنز سنبھال چکے ہیں،ایڈمنسٹریٹر طارق تنولی کا کہنا ہے کہ رواں سال “عوام دوست منڈی” میں خریداروں کو قیمتوں اور سہولیات کے لحاظ سے بہترین ماحول فراہم کیا جائے گا، بیوپاریوں کے دو ٹرک آنے کی بازگشت کے ساتھ مزید ٹرکوں کی آمد شروع ہونے والی ہے جس کے بعد منڈی کی رونقیں دوچند ہو جائیں گی