کراچی کے علاقے کلفٹن کی معروف زم زمہ اسٹریٹ پر واقع ایک شاپنگ پلازہ میں اچانک خوفناک آگ بھڑک اٹھی، جس کے باعث علاقے میں شدید خوف و ہراس پھیل گیا اور بھگدڑ مچ گئی۔
اطلاع ملتے ہی فائر بریگیڈ کی ٹیمیں فوری طور پر موقع پر پہنچ گئیں اور آگ پر قابو پانے کی کوششیں شروع کر دیں۔ فائر بریگیڈ حکام کے مطابق آگ بجھانے کے لیے کم از کم 6 گاڑیاں مصروف عمل ہیں۔
ریسکیو ذرائع کا کہنا ہے کہ پلازہ کے بیسمنٹ میں شدید دھواں اور اندھیرا چھایا ہوا ہے، جس کی وجہ سے امدادی کارروائیوں میں شدید مشکلات پیش آ رہی ہیں۔ بیسمنٹ تک رسائی حاصل کرنے کے لیے دروازوں کو کٹر کے ذریعے کاٹا جا رہا ہے تاکہ اندر پھنسے افراد تک پہنچا جا سکے۔
