انٹرنیشنل کرکٹ سے ریٹائرمنٹ کے بعد سابق کپتان سرفراز احمد نے چیئرمین پاکستان کرکٹ بورڈ محسن نقوی سے ملاقات کی۔
اس موقع پر چیئرمین پی سی بی محسن نقوی نے پاکستان کرکٹ کے لیے سرفراز احمد کی گراں قدر خدمات کو سراہا اور انٹرنیشنل کرکٹ سے ریٹائرمنٹ پر انہیں اعزازی شیلڈ پیش کی۔
محسن نقوی نے سرفراز احمد کے مستقبل کے لیے نیک خواہشات کا اظہار کرتے ہوئے کہا کہ آپ نے کرکٹ کے میدان میں پاکستان کی نمائندگی کا حق ادا کیا ہے اور پاکستان کرکٹ کو کئی کامیابیاں دلائی ہیں۔
چیئرمین پی سی بی کا کہنا تھا کہ پاکستان کرکٹ ہمیشہ آپ کی خدمات کی مقروض رہے گی اور آئندہ بھی آپ کے تجربے اور صلاحیتوں سے استفادہ جاری رکھا جائے گا۔
واضح رہے کہ سابق کپتان قومی کرکٹ ٹیم سرفراز احمد نے انٹرنیشنل کرکٹ سے ریٹائرمنٹ کا اعلان کردیا ہے۔
