دبئی, نیران رئیل اسٹیٹ کے سی ای او سردار ظہور خان کی طرف سے دبئی کے مقامی ریسٹورنٹ میں افطار ڈنرکا اہتمام کیا گیا، جس میں معروف بزنس مین سردار شبیر خان، سردار کاشف, سردار ارزش سابق امیدوار برائے قانون ساز اسمبلی آزادکشمیر, سردارمہران خان,طارق کھوکرسندھ, مبشر راٹھور, سردارعتیق سالک اور دیگر کاروباری شخصیات شامل تھیں
۔ اس بابرکت اجتماع کا مقصد رمضان المبارک کے مقدس مہینے کی روحانی فضا میں باہمی محبت، بھائی چارے اور یکجہتی کو فروغ دینا تھا۔ تقریب میں زندگی کے مختلف شعبوں سے تعلق رکھنے والی اہم شخصیات نے شرکت کی۔ نیران رئیل سٹیٹ کے مینیجنگ ڈائریکٹر سردار کاشف نذیر اور سردار الماس رشید نے تمام مہمانوں کا استقبال کیا اور دل کی گہرائیوں سے شکریہ ادا کیا۔ انہوں نے رمضان المبارک کے مقدس مہینے میں اتحاد، باہمی تعاون اور کمیونٹی کی خدمت کی اہمیت پر زور دیا۔ تقریب کا اختتام بھائی چارے، نیک جذبات اور کمیونٹی کی ترقی اور کاروباری کامیابی کے عزم کے ساتھ ہوا۔
