نادرا (نیشنل ڈیٹا بیس اینڈ رجسٹریشن اتھارٹی) نے کراچی کے علاقے اورنگی ٹاؤن میں اپنی ایک اہم برانچ میں خدمات عارضی طور پر معطل کرنے کا اعلان کیا ہے۔

تفصیلات کے مطابق یہ معطلی 2 مارچ سے 7 مارچ تک جاری رہے گی تاکہ برانچ میں توسیع، مرمت اور دیگر ضروری بہتری کے کام مکمل کیے جا سکیں۔

اس دوران برانچ میں موجود آن لائن اپوائنٹمنٹ سروسز بھی معطل رہیں گی۔ تاہم شہریوں کی سہولت کے لیے برانچ کے باہر موبائل رجسٹریشن وین تعینات کی گئی ہے، جہاں مقررہ اوقات میں تمام رجسٹریشن خدمات فراہم کی جائیں گی۔

نادرا نے عوام سے درخواست کی ہے کہ وہ موبائل وین کے ذریعے اپنا رجسٹریشن یا دیگر شناختی کام کروا لیں تاکہ غیر ضروری تاخیر یا پریشانی سے بچا جا سکے۔