آئی سی ایم اے انٹرنیشنل کی یو اے ای برانچ کونسل کے زیرِ اہتمام افطار ڈنر کا انعقاد کیا گیا،

دبئی, آئی سی ایم اے انٹرنیشنل کی یو اے ای برانچ کونسل کے زیرِ اہتمام ایک شاندار اور باوقار افطار ڈنر کا انعقاد کیا گیا، جس میں ممبران، طلبہ اور ان کے اہلِ خانہ نے بڑی تعداد میں شرکت کی۔ یہ تقریب اتحاد، بھائی چارے اور پیشہ ورانہ ہم آہنگی کی خوبصورت عکاسی ثابت ہوئی۔ تقریب میں 120 سے زائد ممبران،

11 طلبہ اور 30 سے زائد فیملیز کی شرکت نے اس اجتماع کو نہایت باوقار بنا دیا۔ بھرپور حاضری نے یو اے ای میں ICMA کمیونٹی کی بڑھتی ہوئی مضبوطی، یکجہتی اور فعال کردار کو نمایاں کیا اور اسے یو اے ای برانچ کونسل کے کامیاب ترین پروگرامز میں شامل کر دیا۔ چیئرمین یو اے ای برانچ کونسل محمد رضوان سوہل نے اپنے خطاب میں شرکاء کی بھرپور شرکت پر دلی تشکر کا اظہار کیا۔ انہوں نے کہا کہ یہ تقریب سی ایم اے پروفیشنلز کے لیے نیٹ ورکنگ، پیشہ ورانہ روابط کو مستحکم بنانے اور خیالات کے تبادلے کا مؤثر پلیٹ فارم ثابت ہوئی۔ انہوں نے اس عزم کا اعادہ کیا کہ سی ایم اے برادری کی ترقی اور یو اے ای مارکیٹ میں ICMA کی شناخت اور اثر و رسوخ کو مزید مضبوط بنانے کے لیے اجتماعی کاوشیں جاری رکھی جائیں گی۔اس موقع پر ممبرز ویلفیئر اینڈ سوشل کمیٹی کے اراکین، خصوصاً کاشف منیر بٹ اور ملک ارشد حسین کی خدمات کو سراہا گیا جنہوں نے تقریب کے انعقاد میں نمایاں کردار ادا کیا۔ وائس چیئرمین محمد مشہود علی ڈھلوں اور دیگر برانچ کونسل ممبران کی مسلسل معاونت اور پسِ پردہ کاوشوں کو بھی خراجِ تحسین پیش کیا گیا۔ محمد مشہود علی ڈھلوں نے اپنے خطاب میں اسلامی اقدار پر زور دیتے ہوئے کہا کہ ایک پلیٹ فارم پر کاروباری اور مالیاتی قیادت کی موجودگی اس بات کی متقاضی ہے کہ ICMA ممبران کمیونٹی کی خدمت اور رہنمائی کو اپنی اجتماعی ذمہ داری سمجھیں۔ انہوں نے ممبران کو تلقین کی کہ وہ اپنے کمفرٹ زون سے نکل کر محنت، جدوجہد اور عزم کے ساتھ اپنے پیشہ ورانہ مقاصد کے حصول کے لیے کوشاں رہیں۔آنریری سیکرٹری نیشنل کونسل، انتظار حسین رانا نے بھی تقریب میں شرکت کی اور اپنے خطاب میں کہا کہ یہ اجتماع محض ایک پیشہ ورانہ میٹنگ نہیں بلکہ اتحاد اور مشترکہ مقصد کی عملی تصویر ہے۔ انہوں نے اس امر پر زور دیا کہ مالیاتی اور کاروباری شعبے کی قیادت کا ایک پلیٹ فارم پر جمع ہونا ICMA ممبران کمیونٹی کی خدمت اور بہتری کے لیے مشترکہ ذمہ داری کو مزید مضبوط بناتا ہے۔ تقریب کا اختتام باہمی خیر سگالی، اتحاد اور تشکر کے جذبات کے ساتھ ہوا، جس نے یو اے ای میں ICMA نیٹ ورک کی مضبوطی اور پیشہ ورانہ ہم آہنگی کو مزید تقویت دی۔

Share On Social Media

KARACHI

زہرہ زاہد کی زی لرننگ انیشی ایٹو نے اورنگی ٹاؤن کی طالبات کی گرینڈ گریجویشن تقریب کی میزبانی کی

خواتین کو بااختیار بنانے اور پیشہ ورانہ مہارتوں کے فروغ کے لیے ایک اہم سنگ

Read More

ملازمت پیشہ افراد اور طلبہ کے لیے خوشخبری؛ اگست میں چھٹیاں ہی چھٹیاں

پاکستان میں سرکاری اور نجی اداروں کے ملازمین اور طلبہ کے لیے اگست کا مہینہ

Read More

TECHNOLOGY

آئی فون 18 پرو سیریز کے لانچ ہونے میں چند دن باقی، قیمت کیا ہوگی؟

ایپل کے نئے آئی فون کا انتظار کرنے والے صارفین کے لیے بری خبر سامنے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.