گوجرانوالہ میں بڑی کارروائی کرتے ہوئے فیڈرل انویسٹی گیشن ایجنسی (ایف آئی اے) نے یونان کشتی حادثے کے مرکزی ملزم کو لاہور سے گرفتار کرلیا۔
ایف آئی اے حکام کے مطابق گرفتارملزم انسانی اسمگلنگ کے 14 مقدمات میں مطلوب تھا اورکافی عرصے سے گرفتاری کے خوف سے روپوش تھا۔
حکام کا کہنا ہے کہ ملزم شہریوں کو غیر قانونی طور پر یورپ بھجوانے کے نیٹ ورک کا اہم رکن تھا اوراس نے متعدد افراد کو لیبیا کے راستے کشتی کے ذریعے اٹلی پہنچانے کی کوشش کی۔
اسی دوران کشتی سمندر میں حادثے کا شکار ہوگئی جس کے نتیجے میں سینکڑوں افراد ڈوب کرجاں بحق ہوگئے۔
ایف آئی اے کے مطابق ملزم کے دیگرساتھیوں کی گرفتاری کے لیے بھی چھاپے مارے جا رہے ہیں جبکہ اس سے مزید تفتیش جاری ہے۔
حکام کا کہنا ہے کہ انسانی اسمگلنگ میں ملوث عناصر کے خلاف بلاامتیاز کارروائیاں جاری رہیں گی تاکہ ایسے افسوسناک واقعات کی روک تھام ممکن بنائی جا سکے۔
