شارجہ. پاکستان بزنس کونسل شارجہ (PBCS) نے شارجہ میں ہائی ٹیک یو اے ای ای. انوائسنگ. آگاہی و نیٹ ورکنگ سیشن کامیابی کے ساتھ منعقد کیا۔ اس سیشن کا مقصد 2026 میں نافذ ہونے والے لازمی یو اے ای، ای انوائسنگ فریم ورک کے لیے کاروباری طبقے کو تیار کرنا تھا۔
اس سیشن میں کاروباری رہنماؤں، پیشہ ور افراد اور صنعت کاروں کی بڑی تعداد نے شرکت کی، جنہیں ڈیجیٹل تبدیلی، کارپوریٹ ٹیکس اور وی اے ٹی سے متعلق اہم معلومات فراہم کی گئیں۔تقریب کا آغاز رجسٹریشن اور نیٹ ورکنگ سے ہوا، جس کے بعد ڈاکٹر شفیق الرحمٰن نے استقبالیہ کلمات ادا کیے اور نظامت کے فرائض بھی انجام دیے۔
کلیدی خطاب محمد فاروق، مینیجنگ پارٹنر، مبارک الکتیبی چارٹرڈ اکاؤنٹنٹس اور وزارتِ معیشت سے منظور شدہ آڈیٹر، نے کیا۔ انہوں نے یو اے ای،ای انوائسنگ، کارپوریٹ ٹیکس اور VAT سے متعلق تازہ ترین معلومات، قانونی تقاضوں اور عملی نفاذ پر تفصیلی روشنی ڈالی۔ سوال و جواب کاکے سیشن میں شرکاء نے براہِ راست اپنے عملی مسائل اور سوالات پیش کیے۔بعد ازاں سید سلیم اختر، سینئر نائب چیئرمین PBCS، کی زیرِ قیادت بزنس نیٹ ورکنگ سیشن منعقد ہوا، جس میں باہمی تعاون، مشترکہ ترقی اور مستقبل کے کاروباری مواقع پر زور دیا گیا۔تقریب کا اختتام ڈاکٹر شفیق الرحمٰن کے اختتامی کلمات سے ہوا، جنہوں نے مقررین اور شرکاء کا شکریہ ادا کیا۔ اس کے بعد ریفریشمنٹ کے ساتھ غیر رسمی نیٹ ورکنگ ہوئی۔ یہ سیشن اس عزم کی عکاسی کرتا ہے کہ پاکستان بزنس کونسل شارجہ یو اے ای میں کاروباری برادری کو آگاہی، صلاحیت سازی اور بروقت رہنمائی فراہم کرنے کے لیے پُرعزم ہے۔
