راولپنڈی اڈیالہ جیل میں بانی پی ٹی آئی کا طبی معائنہ مکمل، 5 رکنی ڈاکٹروں کی ٹیم نے ایک گھنٹہ تفصیلی معائنہ کیا، موبائل میڈیکل لیب کے ذریعے مختلف ٹیسٹ بھی کیے گئے، حکومت کی آفر کے باوجود پاکستان تحریک انصاف کا کوئی بھی رہنما اڈیالہ جیل نہیں پہنچا، خصوصی ٹیم پی ٹی آئی رہنماوں کا ایک ڈیڑھ گھنٹہ انتظار کرتی رہی۔
سپرنٹنڈنٹ اڈیالہ جیل ساجد بیگ نے جیل سے جاری بیان میں بتایا مختلف اسپتالوں کے ماہر ڈاکٹروں پر مشتمل ٹیم اڈیالہ جیل پہنچی تھی۔
سابق وزیراعظم کا اڈیالہ جیل میں آنکھوں کا معائنہ کیا گیا، میڈیکل ٹیم ضروری طبی سامان کے ہمراہ اڈیالہ جیل ائی تھی۔
سابق وزیراعظم کے مکمل طبی معائنے کے لیے انتظامات مکمل کیے تھے، ڈاکٹروں کی ٹیم مختلف طبی آلات اور ادویات ساتھ لے کر آئی تھی، ڈاکٹروں کی ٹیم نے دو رکنی میڈیکل بورڈ کی نگرانی میں آنکھوں کا تفصیلی چیک اپ کیا۔
سپرنٹنڈنٹ جیل کا مزید کہنا تھا کہ اس موقع پر سیکیورٹی کے سخت انتظامات کیے تھے، طبی ٹیم کی رپورٹ جلد مرتب کیے جانے کا امکان ہے۔
دوسری جانب ذرائع نے بتایا کہ حکومت نے پاکستان تحریک انصاف کی لیڈرشپ کو دعوت دی تھی کہ قیادت کی موجودگی میں بانی کی آنکھوں کا معائنہ کیا جائے گا۔
حکومتی پیشکش کے باوجود ڈاکٹروں کی ماہر ٹیم ڈیڑھ گھنٹہ تک انتظار کرتی رہی، پارٹی کا کوئی بھی لیڈر اڈیالہ جیل نہیں پہنچا جس کے بعد ڈاکٹروں نے بانی کا معائنہ ان کی مرضی سے شروع کیا۔
جیل ذرائع نے بتایا کہ ڈاکٹروں کی ٹیم میں دورکنی بورڈ ممبران ڈاکٹر ندیم قریشی، ڈاکٹر امجد بھی موجود تھے۔
دیگر ڈاکٹروں میں ڈاکٹر رفاق، ڈاکٹر سکندر، ڈاکٹر عارف اور میڈیکل ٹیکنیشن بھی شامل تھے، ڈاکٹروں کی پانچ رکنی ٹیم اور لیب ٹینیکشن نے بانی کا ایک گھنٹے تک معائنہ کیا۔
ڈاکٹر اپنی مفصل رپورٹ مکمل کرکے حکومت کے حوالے کریں گے، اس۔موقع پر سیکورٹی کے سخت انتظامات تھے۔
