پاکستان سپر لیگ نے بدھ کے روز تاریخ رقم کر دی جب لیگ کے پہلے باقاعدہ پلیئر آکشن میں ریکارڈ بولیاں لگیں اور نوجوان فاسٹ بولر نسیم شاہ 8 کروڑ 65 لاکھ روپے میں فروخت ہو کر ٹورنامنٹ کی تاریخ کے سب سے مہنگے کھلاڑی بن گئے۔
پی ایس ایل کے 11 ویں ایڈیشن میں روایتی ڈرافٹ سسٹم کو ختم کر کے مکمل آکشن ماڈل متعارف کرایا گیا۔
فرنچائز مالکان نے کھل کر بولیاں لگائیں اور کئی بڑے نام پیچھے رہ گئے۔
حتمی بولی کے بعد راولپنڈی نے نسیم شاہ کو حاصل کر کے تاریخ کی سب سے بڑی رقم ادا کی جبکہ کئی عالمی شہرت یافتہ کھلاڑی بھی ان سے کم قیمت پر فروخت ہوئے۔
پی ایس ایل 11 کے 5 مہنگے ترین کھلاڑی
نسیم شاہ، راولپنڈی، 8 کروڑ 65 لاکھ روپے
فہیم اشرف، اسلام آباد یونائیٹڈ، 8 کروڑ 50 لاکھ روپے
ڈیرل مچل، راولپنڈی، 8 کروڑ 5 لاکھ روپے
فخر زمان، لاہور قلندرز، 7 کروڑ 95 لاکھ روپے
ڈیوڈ وارنر، کراچی کنگز، 7 کروڑ 90 لاکھ روپے
پی ایس ایل کے نئے آکشن فارمیٹ نے لیگ کی مالیاتی حرکیات کو یکسر بدل دیا ہے اور فرنچائزز کی حکمت عملی میں نمایاں تبدیلی دیکھنے میں آئی ہے۔
