ابو ظہبی. یوم یکجہتی کشمیر کے حوالے سے سفارت خانہ پاکستان ابو ظہبی میں تقریب کا اہتمام کیا گیا جس میں پاکستانی اور متحدہ عرب امارات میں مقیم کشمیری کمیونٹی کے افراد نے شرکت کی-اس تقریب کا مقصد پاکستان کے لیے پرعزم حمایت اور یکجہتی کا اعادہ کرنا تھا- مقرر ین نے تقا ریر کے دوران کہا کہ ہم مقبوضہ کشمیر میں انسانی حقوق کی خلاف ورزیوں کی مذمت کرتے ہیں اور مظلوم کشمیری بہن بھائیوں کے ساتھ ہیں-اس موقع پر صدر اور وزیر اعظم کے پیغامات بھی پڑھ کر سنائے گئے- یوم یکجہتی کشمیر کے سلسلہ میں منعقدہ تقریب سے سفیر پاکستان برائے متحدہ عرب امارات شفقت علی خان اور سفارت خانہ کے دیگر افسران نے بھی شرکت کی-
حق خود ارادیت کے حصول کے لیے مقبوضہ جموں و کشمیر (IIOJK) کے لوگوں کے جذبہ کو سراہا گیا-محترمہ فوزیہ فیاض نے کہا کہ پاکستان کشمیریوں کے مسئلہ کو اٹھاتا رہے گا۔انہوں نے کہا کہ کشمیریوں کی خواہش کے مطابق دہائیوں پرانے مسئلہ کشمیر کو اقوام متحدہ کی قراردادوں کے مطابق حل کیا جائے-اس موقع پر ایک دستاویزی فلم بھی دکھائی گئی جس میں انسانی حقوق کی سنگین خلاف ورزیوں کو دکھایا گیا ہے۔
