سینئر جج گلگت بلتستان (پاکستان) غلام عباس کے اعزاز میں دبئی کے ایک ریسٹورنٹ میں عشا ئیہ کا اہتمام کیا گیا- جس میں مختلف شعبہ ہائے زندگی سے تعلق رکھنے والی ممتاز اور بااثر شخصیات نے شرکت کی جن میں امتیاز را نجھا سی ای او، انٹرنیشنل لیگل پارٹنرز، راجہ شاہد سی ای او، اے کے آئی گولڈ انویسٹمنٹ، مڈل ایسٹ، حاجی عبد الہادی سی ای او، اسپائس گروپ، یو اے ای، آصف ملک سول انجینئر، بلال فیروز سینئر بینکر ، عثمان چوہدری اور کاروباری شخصیا ت شامل تھیں ۔
عشا ئیہ کا اہتمام ملک یاسر امتیاز اعوان (بانی رکن پاکستان تحریکِ انصاف مڈل ایسٹ، سابق صدر پاکستان تحریکِ انصاف متحدہ عرب امارات، اور صدر ریڈ پاکستان یو اے ای چیپٹر) نے کیا-اس تقریب میں فکری و سماجی امور، قانون و انصاف، اور پاکستانی کمیونٹی کے کردار پر بامقصد تبادلۂ خیال کیا گیا۔اس عشائیے نے متحدہ عرب امارات میں مقیم پاکستانی کمیونٹی کے درمیان باہمی روابط کے فروغ، مثبت مکالمے، ذمہ دار قیادت اور پیشہ ورانہ و سماجی ہم آہنگی کو مضبوط بنانے کے عزم کی عکاسی کی-
تقریب کے اختتام پر سینئر جج گلگت بلتستان غلام عباس نے اس شاندارعشائیے کے انعقاد پر ملک یاسر امتیاز اعوان کا تہہ دل سے شکریہ ادا کیا اور تمام معزز شرکاء کی شرکت کو سراہتے ہوئے کہا کہ ایسی تقاریب باہمی اعتماد، اتحاد اور فکری ہم آہنگی کو فروغ دیتی ہیں۔
