’صوبائی حکومت انسداد دہشت گردی کے لیے اداروں کو مضبوط کرے‘؛ وزیراعظم سے سہیل آفریدی کی ملاقات کا اعلامیہ

وزیراعظم شہباز شریف اور وزیراعلیٰ خیبرپختونخوا سہیل آفریدی کی پیر کو ہونے والی ملاقات کا باضابطہ اعلامیہ جاری کر دیا گیا ہے، جس میں بتایا گیا کہ صوبے کی سیکیورٹی صورتحال، انسداد دہشت گردی، این ایف سی ایوارڈ اور ترقیاتی امور پر تفصیلی تبادلہ خیال کیا گیا ہے۔ ملاقات میں وفاق اور صوبوں کے درمیان قریبی روابط اور مؤثر رابطہ کاری کی اہمیت پر زور دیا گیا۔

اعلامیے کے مطابق وزیراعظم شہباز شریف نے کہا کہ خیبرپختونخوا میں امن و امان کا قیام صوبائی حکومت کی آئینی ذمہ داری ہے اور اس مقصد کے لیے صوبائی سطح پر انسداد دہشت گردی کے اداروں کو مزید مضبوط کیا جانا چاہیے۔

وزیراعظم نے واضح کیا کہ دہشت گردی کے مکمل خاتمے کے لیے وفاقی اور صوبائی حکومتوں کو مشترکہ حکمت عملی کے تحت کام کرنا ہوگا اور باہمی تعاون ناگزیر ہے۔

ملاقات کے دوران وزیراعظم نے خیبرپختونخوا میں ترقیاتی منصوبوں، تعلیم، صحت اور روزگار کے مواقع بڑھانے کے لیے وفاقی حکومت کی جانب سے تعاون کی یقین دہانی کرائی۔

ان کا کہنا تھا کہ وفاقی حکومت تمام صوبوں کو ساتھ لے کر چلنے اور یکساں ترقی کے وژن پر عمل پیرا ہے، جبکہ باہمی مشاورت اور اشتراکِ عمل کے ذریعے قومی اہداف کو مؤثر انداز میں حاصل کیا جا سکتا ہے۔

دوسری جانب وزیراعلیٰ خیبرپختونخوا سہیل آفریدی نے پیر کو ملاقات کے بعد میڈیا سے گفتگو کرتے ہوئے واضح کیا کہ وزیراعظم سے ملاقات کے دوران پاکستان تحریک انصاف (پی ٹی آئی) کے بانی عمران خان سے متعلق کسی بھی قسم کے معاملے یا ملاقات پر کوئی بات نہیں ہوئی۔

ان کا کہنا تھا کہ یہ ملاقات مکمل طور پر سرکاری نوعیت کی تھی اور عہدے کا تقاضہ تھی، اگر ملاقات سیاسی ہوتی تو وہ اس میں شریک نہ ہوتے۔

وزیراعلیٰ خیبرپختونخوا کے مطابق ملاقات میں خیبرپختونخوا کے مالی معاملات پر تفصیلی گفتگو ہوئی، جس میں وفاق کے ذمے صوبے کے واجب الادا چھبیس ارب روپے کا معاملہ بھی شامل تھا۔

انہوں نے بتایا کہ وزیراعظم شہباز شریف نے صوبے کے مالی امور کا جائزہ لینے اور متعلقہ حکام کو اس حوالے سے ضروری ہدایات جاری کرنے کی یقین دہانی کرائی ہے۔

Share On Social Media

KARACHI

کراچی کی نہر خیام پر فوڈ اسٹریٹ کی مبینہ تعمیر کی مخالفت کیوں؟

کراچی کے علاقے پوش علاقے کلفٹن میں واقع نہرِ خیام پر تجارتی پٹی اور مبینہ

Read More

اقتصادی رابطہ کمیٹی نے مختلف شعبوں کے لیے فنڈز کی منظوری دے دی

اقتصادی رابطہ کمیٹی نے مختلف شعبوں کے لیے فنڈز کی منظوری دے دی ہے۔ جمعرات

Read More

TECHNOLOGY

مائیکروسافٹ کا 60 ہزار ملازمین کو رضاکارانہ علیحدگی پیکیج دینے کا اعلان

مائیکروسافٹ نے مصنوعی ذہانت پر بڑھتے ہوئے اخراجات کے پیشِ نظر لاگت کم کرنے کے

Read More

اے آئی ماڈل کلاڈ نے امریکی ووٹنگ ڈیٹا تک بغیر اجازت رسائی حاصل کرلی

مصنوعی ذہانت (اے آئی) کے ذریعے معلومات تک رسائی کے طریقوں نے ڈیجیٹل سکیورٹی سے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.