وزیراعلیٰ پنجاب مریم نواز نے کہا ہے کہ صوبے کے عوام کو آنے والی طویل ہفتہ وار چھٹیاں مثبت انداز میں گزارنے اور تازہ دم ہونے کا موقع فراہم کریں گی۔

سماجی رابطے کی ویب سائٹ ’ایکس‘ پر جاری اپنے بیان میں مریم نواز نے کہاکہ پنجاب میں عوام 5 فروری کو یوم کشمیر، 6 فروری کو صوبائی سطح پر بسنت کی چھٹی کے ساتھ ہفتہ اور اتوار کی تعطیلات کا لطف اٹھا سکیں گے۔

وزیر اعلیٰ نے عوام سے توقع ظاہر کی کہ وہ اس موقع کو آرام کرنے، توانائی بحال کرنے اور خوشگوار انداز میں گزاریں گے۔