میٹا نے فیفا ورلڈ کپ کے لیے انسٹاگرام، واٹس ایپ، فیس بک، میسنجر اور تھریڈز کے لیے نئے اور انٹرایکٹو فیچرز متعارف کرا دیے ہیں۔ کمپنی کا کہنا ہے کہ ان فیچرز کا مقصد شائقین کو میچز کے دوران بہتر تجربہ فراہم کرنا اور آن لائن تحفظ کو یقینی بنانا ہے۔
میٹا مختلف قومی ٹیموں، کھلاڑیوں، کمنٹیٹرز، کنٹینٹ کریئیٹرز اور براڈکاسٹرز کے تعاون سے ورلڈ کپ سے متعلق مواد فراہم کرے گا۔ اس کے ساتھ ساتھ جعلی ٹکٹوں اور آن لائن دھوکے بازوں سے بچاؤ کے لیے اینٹی اسکیم اقدامات، ٹکٹ سرچ ریمائنڈرز اور بدسلوکی کے خلاف نئے ٹولز بھی متعارف کرائے جارہے ہیں۔
فیس بک پر فٹبال موڈ متعارف کرایا گیا ہے جس کے ذریعے صارفین خصوصی ری ایکشنز اور ورلڈ کپ تھیم والے فیچرز استعمال کر سکیں گے۔ شائقین اپنی پسندیدہ قومی ٹیم کی جرسی ورچوئل طور پر پہن کر اسے پروفائل تصویر، اسٹوری یا پوسٹ کے طور پر بھی شیئر کرسکیں گے۔
انسٹاگرام پر خصوصی سرچ فیچر متعارف کرایا گیا ہے جو شائقین کو ریئل ٹائم ریلز، اسٹوریز اور پوسٹس تک رسائی دے گا، جبکہ ڈائریکٹ میسجز میں نیا گول وائس ایفیکٹ بھی شامل کیا گیا ہے جو خصوصی اینیمیشن ظاہر کرے گا۔
تھریڈز میں لائیو چیٹس کی سہولت فراہم کی جائے گی جہاں شائقین میچز کے دوران اور بعد میں حقیقی وقت میں گفتگو کر سکیں گے۔ سابق فٹبالرز بھی ٹورنامنٹ کے دوران خصوصی لائیو سیشنز کی میزبانی کریں گے۔
واٹس ایپ پر کے اشتراک سے فٹبال ایموجی کو ورلڈ کپ کے آفیشل میچ بال کے انداز میں تبدیل کیا گیا ہے، جبکہ ویڈیو کالز کے لیے فٹبال تھیم والے فلٹرز اور خصوصی اسٹیکرز بھی متعارف کرائے گئے ہیں۔
میسنجر میں صارفین گروپ چیٹس کے اندر میچ ہائی لائٹس اور لائیو اپ ڈیٹس حاصل کر سکیں گے، جس سے شائقین حقیقی وقت میں میچ کی صورتحال سے باخبر رہیں گے۔
