: پاکستان پرائیویٹ اسکولز اینڈ کالجز ایسوسی ایشن کی جانب سے ایجوکیشن جرنلسٹس ایسوسی ایشن آف پاکستان کی نومنتخب کابینہ کو دلی مبارکباد پیش کی گئی ہے۔
چیئرمین پاکستان پرائیویٹ اسکولز اینڈ کالجز ایسوسی ایشن انور علی بھٹی، سیکرٹری جنرل عالم شیر اعوان، سینیئر وائس چیئرمین محمد انور اور مرکزی ترجمان امجد انصاری نے اپنے مشترکہ بیان میں نومنتخب عہدیداران کے لیے نیک تمناؤں اور کامیابیوں کا اظہار کیا۔
رہنماؤں نے کہا کہ شعبہ تعلیم سے وابستہ صحافی ملک میں تعلیمی شعور اجاگر کرنے، تعلیمی مسائل کو نمایاں کرنے اور عوام تک درست معلومات پہنچانے میں نہایت اہم کردار ادا کر رہے ہیں، جسے قدر کی نگاہ سے دیکھا جاتا ہے۔
انہوں نے کہا کہ ایجوکیشن جرنلسٹس نہ صرف تعلیمی اداروں، اساتذہ اور طلبہ کے مسائل کو موثر انداز میں اجاگر کرتے ہیں بلکہ تعلیمی اصلاحات اور بہتری کے لیے بھی مثبت کردار ادا کر رہے ہیں۔
پاکستان پرائیویٹ اسکولز اینڈ کالجز ایسوسی ایشن کے رہنماؤں نے امید ظاہر کی کہ ایجوکیشن جرنلسٹس ایسوسی ایشن آف پاکستان کی نومنتخب کابینہ اپنی پیشہ ورانہ صلاحیتوں کو بروئے کار لاتے ہوئے صحافتی اقدار، غیر جانبداری اور ذمہ دارانہ رپورٹنگ کو مزید فروغ دے گی۔
بیان میں مزید کہا گیا کہ تعلیم کے شعبے سے وابستہ صحافی معاشرے میں فکری رہنمائی، آگاہی اور اصلاح کا فریضہ انجام دے رہے ہیں، جو بلاشبہ قومی خدمت کے مترادف ہے۔
