پارلیمانی سال مکمل ہونے پر صدر مملکت کے پارلیمنٹ کے مشترکہ اجلاس سے خطاب کی تیاریاں۔ ایوان صدر نے حکومت سے گزشتہ ایک سال کی کارکردگی رپورٹ مانگ لی۔
صدر آصف زرداری اپنے خطاب میں حکومتی کارکردگی، اہم معاشی اقدامات، مقامی و عالمی امور پر اظہار خیال کریں گے۔ اپوزیشن کے ممکنہ احتجاج کے پیش نظر خطاب مختصر ہوگا۔
صدر اپنے خطاب میں حکومتی کارکردگی کے اہم نکات کا احاطہ کریں گے، صدر کی تقریر میں حکومت کے اہم معاشی اقدامات اور نتائج کا بھی ذکر ہوگا۔
صدر مملکت کی جانب سے غریب طبقے کے لیے بعض اعلانات بھی متوقع، ایوان صدر نے ممکنہ اعلانات کے حوالے سے بھی تفصیلات مانگ لیں، آصف زرداری خطاب میں کشمیر فلسطین سمیت اہم علاقائی و عالمی امور پر بھی گفتگوکریں گے۔
اپوزیشن کے ممکنہ احتجاج کے پیش نظر صدر کا خطاب زیادہ طویل نہیں ہوگا، پارلیمنٹ کا مشترکہ اجلاس 10 مارچ کو طلب کرنے کی سمری بھیجی گئی ہے، صدر مملکت کے خطاب کے ساتھ ہی دوسرے پارلیمانی سال کا آغاز ہوجائے گا
