ایران کے شہر یزد میں پاکستانی زائرین کی بس الٹ گئی جس کے نتیجے میں بس میں سوار 35 زائرین جاں بحق ہوگئے ہیں۔
ایرانی میڈیا کے مطابق، زائرین کی بس بریک فیل ہونے کے باعث بے قابو ہو کر دہشیر تفتان چیک پوائنٹ کے سامنے الٹ گئی، جس کے بعد بس کو آگ لگ گئی۔ بس میں 53 زائرین سوار تھے۔ اس حادثے میں 25 افراد زخمی ہوئے ہیں۔
میڈیا رپورٹس کے مطابق، امدادی ٹیمیں جائے حادثہ پر زخمیوں اور لاشوں کو بس سے نکالنے میں مصروف ہیں جبکہ اسپتالوں میں ایمرجنسی نافذ کردی گئی ہے۔
دوسری جانب مولانا قمر عباس نقوی نے کہا ہے کہ تمام زخمیوں کو اسپتال منتقل کردیا گیا ہے، بس میں 14 خواتین سمیت کل 53 افراد سوار تھے۔ انہوں نے بتایا کہ بس لاڑکانہ سے روانہ ہوئی تھی، جاں بحق اور زخمی ہونے والے افراد میں زیادہ تر کا تعلق لاڑکانہ اور گھوٹکی سے بتایا جارہا ہے
